پرەزيدەنتتىك جاستار كادر رەزەرۆى: ۇمىتكەر مەملەكەتتىك ءتىلدى ءبىلۋى مىندەتتەلگەن

نۇر- سۇلتان. قازاقپارات - پرەزيدەنتتىك جاستار كادر رەزەرۆى ۇمىتكەرلەرىنە قويىلاتىن باستى تالاپتاردىڭ ءبىرى مەملەكەتتىك ءتىلدى ءبىلۋ جانە مەڭگەرۋ.

بۇل تۋرالى ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى ەرلان ءابىل ءمالىم ەتتى، دەپ حابارلايدى قازاقپارات ءتىلشىسى.

«بيىلعى پرەزيدەنتتىك جاستار كادر رەزەرۆىنە ىرىكتەۋدەگى جاڭاشىلدىقتىڭ ءبىرى ۇمىتكەردىڭ مەملەكەتتىك ءتىلدى ءبىلۋ دەڭگەيىن راستاۋى. رەزەرۆ كانديداتىندا مەملەكەتتىك ءتىلدى ءبىلۋ دەڭگەيىن راستايتىن قازتەست نەمەسە Qazaq Resmi Test سەرتيفيكاتى بولۋى شارت. قازتەست سىناعىنان وفلاين فورماتتا ءوتۋ قاجەت بولسا، Qazaq Resmi Test- ءتى ۇمىتكەرلەر وزدەرىنە ىڭعايلى ۋاقىتتا ونلاين تۇردە تاپسىرا الادى. ول ءۇشىن ۆەب- كامەراسى، ميكروفونى جانە ينتەرنەتى بار كومپيۋتەر بولۋى كەرەك. سونداي- اق، ۇمىتكەرلەر مەملەكەتتىك باسقارۋ اكادەمياسىندا Qazaq Resmi Test- ءتى تاپسىرۋ ءۇشىن ارنايى دايىندىق كۋرسىنان ءوتۋ مۇمكىندىگى بار. ونىڭ ۇزاقتىعى 36 ساعات جانە قۇنى 33876 تەڭگە تەڭگە»، - دەدى ەرلان ءابىل و ك ق- دە ونلاين وتكەن باسپا ءسوز ءماسليحاتىندا.

سونىمەن قاتار، اكادەميا باسشىسى ۇمىتكەرلەر qrt.kz سايتى ارقىلى قازاق ءتىلىن مەڭگەرۋ دەڭگەيىن راستاي الاتىنىن ەسكە سالدى.

بۇعان دەيىن ەرلان ءابىل پرەزيدەنتتىك جاستار كادر رەزيەۆرى كانديداتتارىنا قانداي تاپسىرمالار بەرىلەتىنىن ايتىپ بەردى. ەسكە سالا كەتسەك، ەلىمىزدە پرەزيدەنتتىك جاستار كادر رەزيەۆرىنە كانديداتتاردى ىرىكتەۋدىڭ ەكىنشى كەزەڭى باستالادى. سونداي- اق، اتالعان جوباعا ارنالعان پورتالدىڭ ىسكە قوسىلاتىنى ايتىلدى.

اۆتور: ءالي يبرايەۆ