ۇلتتىق جانە مەملەكەتتىك جوعارى وقۋ ورىندارى وقىتۋشىلارىنىڭ جالاقىسى قىركۇيەكتە وسەدى
دەپ حابارلايدى قازاقپارات ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
«ۆەدومستۆوعا باعىنىشتى جوعارى وقۋ ورىندارى وقىتۋشىلارىنىڭ جالاقىسى 2021 -جىلدىڭ قىركۇيەگىنەن باستاپ ارتادى. ەندى ولار اي سايىن كەمىندە 200 مىڭ تەڭگە الادى. اعا وقىتۋشىنىڭ ەڭبەكاقىسى كەمىندە 230 مىڭ تەڭگەنى قۇراپ، قاۋىمداستىرىلعان پروفەسسور - 260 مىڭ تەڭگە، پروفەسسور - 350 مىڭ تەڭگە (ۇلتتىق جوعارى وقۋ ورىندارىندا - 400 مىڭ تەڭگە) الۋى ءتيىس. بۇل شەشىم ەل پرەزيدەنتى ق. توقايەۆتىڭ ج و و وقىتۋشىلارىنىڭ جالاقىسىن ارتتىرۋ تۋرالى تاپسىرماسىن ورىنداۋ اياسىندا قابىلداندى»، دەلىنگەن حابارلامادا.
شتاتتاعى وقىتۋشىلارعا مينيمالدى جالاقى مولشەرىن بەلگىلەۋ تۋرالى ءتيىستى بۇيرىققا ءبىلىم جانە عىلىم ءمينيسترى اسحات ايماعامبەتوۆ قول قويدى. بۇل رەتتە، ەگەر وقىتۋشىلاردىڭ جالاقىسى كوتەرىلەتىن بولسا، وندا ولاردىڭ وقۋ جۇكتەمەسى، كەرىسىنشە، تومەندەتىلەدى. بۇل مۇعالىمدەردىڭ عىلىمي قىزمەتپەن اينالىسۋلارىنا مۇمكىندىك پەن ۋاقىتتىڭ جەتكىلىكتى بولۋى ءۇشىن جاسالىپ جاتىر.
«ءبىز جوسپارلى تۇردە وقىتۋشىلار ءۇشىن جايلى جاعداي جاساپ، ەڭبەكاقىنى جانە پەداگوگتەردىڭ مارتەبەسىن ارتتىرىپ جاتىرمىز. ج و و وقىتۋشىلارىنىڭ جالاقىسى دا جوعارىلايدى. ەگەر ءبىز ءبىلىمنىڭ جوعارى دەڭگەيدە بولۋىن قالاساق، مۇعالىمدەرگە لايىقتى جالاقى تولەۋ كەرەك ەكەنىن ءتۇسىنۋىمىز كەرەك. بۇل رەتتە ءبىز جوعارى وقۋ ورىندارى تاراپىنان ساپالى جۇمىستى، ال وقىتۋشىلاردان وقۋ پروتسەسىنە اسقان جاۋاپكەرشىلىكپەن قاراۋدى تالاپ ەتەمىز. بۇعان دەيىن ۇلتتىق قوعامدىق سەنىم كەڭەسىنىڭ وتىرىسىندا مەملەكەت باسشىسى ج و و وقىتۋشىلارىنىڭ جالاقىسىن كوتەرۋدى تاپسىرعان بولاتىن.
ب ع م- گە ۆەدومستۆولىق باعىنىشتى ج و و وقىتۋشىلارىنىڭ جالاقىسى 2019 -جىلدىڭ قىركۇيەگىندە - عا، 2020 - جىلدىڭ قىركۇيەگىندە تاعى % 20- عا ءوستى. ەندى شتاتتاعى وقىتۋشىلاردىڭ مينيمالدى جالاقىسى اي سايىن 200 مىڭ تەڭگەنى قۇرايدى. سونىمەن قاتار ءار ۋنيۆەرسيتەت باسقا دا ىنتالاندىرۋ تولەمدەرىن بەلگىلەپ، وقىتۋشىلاردىڭ بەلگىلى ءبىر جەتىستىكتەرى ءۇشىن قوسىمشااقى تولەي الادى. جوعارى وقۋ ورىندارىنىڭ ديرەكتورلار كەڭەسى بۇل ماسەلەنى ەرەكشە باقىلاۋدا ۇستاۋى قاجەت»، - دەدى ءبىلىم جانە عىلىم ۆيتسە- ءمينيسترى قۋانىش ەرعاليەۆ.
پەداگوگيكالىق جۇكتەمەگە كەلەتىن بولساق، ەندى ءبىر ستاۆكانىڭ ماكسيمالدى كولەمى ءبىر وقۋ جىلىندا 680 ساعاتتان اسپايدى. ايتا كەتكەن ءجون، بۇرىن ەڭ تومەنگى جالاقى مەن ساعاتتىق جۇكتەمەلەرگە قويىلاتىن تالاپتار زاڭمەن رەتتەلمەگەن.