تاليبان وكىلدەرى اۋعانستاننىڭ كوپشىلىك اۋماعىن باسىپ الدى – ب ا ق
ا ق ش اسكەريلەرى اۋعانستانداعى ديپميسسيا قىزمەتكەرلەرىنە كومەكتەسۋ ءۇشىن كابۋلعا قايتا ورالۋدا، دەپ حابارلايدى قازاقپارات.
«قازىر دجەلالابادتا قاقتىعىس جوق، سەبەبى گۋبەرناتور «تاليبانعا» بەرىلدى. بۇل ازاماتتاردىڭ ءومىرىن قۇتقارىپ قالۋدىڭ جالعىز امالى، سوندىقتان تاليبتەرگە كىرۋگە رۇقسات بەردى»، - دەدى جەكسەنبى تاڭەرتەڭ دجەلالابادتاعى بەلگىسىز شەنەۋنىك.
دجەلالاباد - نانگارحار پروۆينتسياسىنداعى اكىمشىلىك ورتالىق. ول كابۋلدىڭ شىعىسىندا، ەل استاناسى مەن پاكىستاننىڭ شەكاراسىندا ورنالاسقان. سەنبى كۇنى كەشكە تاليبتەر اۋعانستاننىڭ سولتۇستىگىندەگى ءىرى قالالاردىڭ ءبىرى مازاري- ءشاريفتى باسىپ العان بولاتىن.
ەسكە سالساق، «تاليبان» قوزعالىسىنىڭ سودىرلارى اۋعانستاننىڭ ماڭىزدى ءارى ءىرى قالالارىن باسىپ الدى. حالىقارالىق ۇيىمدار دابىل قاعىپ اۋعانستاندا سوڭعى 72 ساعاتتا ونداعان بالا قازا تاپقانىن جاريالادى. سونداي- اق، ق ر ديپلوماتيالىق ميسسياسى كابۋلدا شەكتەۋلى قۇرامدا جۇمىسىن جالعاستىرۋدا.
اۆتور: اقبوپە ءابدراسۋل