ب ۇ ۇ باسشىسى اۋعانستانداعى تاليبان وكىلدەرىنە ۇندەۋ جاسادى
«سوعىستى تاڭداعان حالىقارالىق قوعامداستىققا ۇندەۋىم مىناداي: بيلىكتى اسكەري كۇشپەن جاۋلاپ الۋ - جەڭىلەتىن ءتاسىل. بۇل ۇزاققا سوزىلاتىن ازاماتتىق سوعىسقا نەمەسە اۋعانستاندى تولىقتاي جابىق مەملەكەتكە اكەلىپ سوقتىرۋى مۇمكىن»، - دەدى گۋتەرريش نيۋ-يوركتە ب ۇ ۇ شتاب-پاتەرىندە جۋرنالسيتەرگە بەرگەن سۇحباتىندا.
«اۋعانستانداعى جاعداي باقىلاۋدان شىعىپ بارادى»، - دەپ ەسەپتەيدى باس حاتشى. ب ۇ ۇ باسشىسى شيەلەنىستىڭ بارلىق تاراپىنا ولاردىڭ مىندەتى - بەيبىت تۇرعىنداردى قورعاۋ ەكەندىگىن ەسكە سالدى. سوعىس ارەكەتتەرى سالدارىنان تۇرعىندار جاپا شەگىپ جاتىر، دەپ اتاپ ءوتتى باس حاتشى. وسى جىلدىڭ باسىنان بەرى 400 مىڭ اۋعاندىق ۇيلەرىن تاستاپ كەتۋگە ءماجبۇر بولدى. ولاردىڭ 80 پايىزى - ايەلدەر مەن بالالار.
ەسكە سالساق، «تاليبان» قوزعالىسىنىڭ سودىرلارى اۋعانستاننىڭ ماڭىزدى ءارى ءىرى قالالارىن باسىپ الدى. حالىقارالىق ۇيىمدار دابىل قاعىپ اۋعانستاندا سوڭعى 72 ساعاتتا ونداعان بالا قازا تاپقانىن جاريالادى.