تارباعاتايدا ەكى مەكتەپ سالىنادى

تارباعاتاي اۋدانى. قازاقپارات - تارباعاتاي اۋدانىندا ەكى مەكتەپ سالىنادى، دەپ حابارلايدى قازاقپارات.

بۇل تۋرالى اۋدان اكىمى اسحات سمايلوۆ ءمالىم ەتتى. جاڭا مەكتەپتىڭ قۇرىلىس جۇمىستارى 2023 -جىلى باستالادى دەپ جوسپارلانىپ وتىر. اقسۋات اۋىلىندا 300 ورىندىق مەكتەپ-ليتسەي سالىنادى. بۇل ماقساتتا وبلىستىق بيۋدجەتتەن 12,5 ميلليون تەڭگە ءبولىنىپ جوبا- سمەتا قۇجاتتاماسى ازىرلەنىپ جاتىر.

«اقسۋات اۋىلىندا 300 ورىندىق مەكتەپ- ليتسەي سالۋعا وبلىستىق بيۋدجەتتەن 12,5 ميلليون تەڭگە ءبولىنىپ، ج س ق ازىرلەنىپ جاتىر. قۇرىلىس جۇمىستارى 2023 -جىلى باستالادى. سونىمەن قاتار، شەڭگەلدى اۋىلىندا دا 80 ورىندىق مەكتەپ سالۋعا سالالىق قورىتىندى بەرىلىپ، ەكونوميكالىق قورتىندى الۋعا جولداندى»، - دەيدى اسحات سمايلوۆ.

ونىڭ ايتۋىنشا، بيىل اۋداندا «اۋىل - ەل بەسىگى» باعدارلاماسى اياسىندا 3 مەكتەپ، 1 بالاباقشاعا كۇردەلى جوندەۋ جۇمىسى جۇرگىزىلىپ جاتىر.

«ءبىلىم بەرۋ ۇيىمدارىن كۇردەلى جوندەۋ، ولاردىڭ ماتەريالدىق- تەحنيكالىق بازاسىن جاقسارتۋ ماسەلەلەرى شەشىلۋدە. جەرگىلىكتى، وبلىستىق جانە رەسپۋبليكالىق بيۋدجەتتەردەن قاجەتتى جاعدايلاردى جاساۋ ماقساتىندا قاراجات بولىنۋدە. اتاپ ايتساق 2021 -جىلى «اۋىل - ەل بەسىگى» باعدارلاماسى اياسىندا 3 مەكتەپ، 1 بالاباقشانىن كۇردەلى جانە اعىمداعى جوندەۋ جۇمىستارىنا 692,2 ميلليون تەڭگە قارجى قارالىپ جۇمىستار جۇرگىزىلۋدە»، - اۋدان اكىمى.

ايتا كەتەيىك، اۋدانعا قاراستى مەكتەپتەردە وقۋشىلاردىڭ ءبىلىم الۋ بارىنشا قامتاماسىز ەتىلدى. «اۋداندا جالپى ءبىلىم بەرەتىن 35 ورتا، 4 نەگىزگى ورتا، 9 باستاۋىش مەكتەپتەرىندە 8792 وقۋشىنىڭ ءبىلىم الۋى قامتاماسىز ەتىلدى. بۇنىڭ سىرتىندا قوسىمشا ءبىلىم بەرۋ ۇيىمدارى: 2 ساز مەكتەبى، 2 ونەر مەكتەبى، 1 قوسىمشا ءبىلىم بەرۋ ورتالىعى جۇمىس ىستەيدى. بالالاردى مەكتەپكە دەيىنگى تاربيەمەن قامتۋ جانە وقىتۋ بويىنشا 28 بالاباقشا مەن 39 شاعىن ورتالىق جۇمىس ىستەيدى. 3-6 جاستاعى تىركەلگەن 2571 بالا 100 پايىز قامتىلدى»، - دەيدى اۋدان اكىمى.