داۋرەن ابايەۆ مەملەكەتتىك ءتىلدى كەمسىتكەن جوق - ەرلان قارين
«كەشەدەن بەرى الەۋمەتتىك جەلىدە ارىپتەسىم ءارى جولداسىم داۋرەن ابايەۆتىڭ مالىمدەمەسىنە قاتىستى ءتۇرلى پىكىر ايتىلىپ جاتىر. مەن داۋرەن اسكەربەك ۇلىمەن ءبىراز جىل قىزمەتتەس بولدىم. ءبىز پرەزيدەنت اكىمشىلىگىنە دەيىن دە اقپارات سالاسىندا بىرگە جۇمىس ىستەدىك. ونىڭ مەملەكەتشىل ءارى ۇلتتىق مۇددەگە بەرىك ازامات ەكەنىن جاقسى بىلەمىن. سوندىقتان، ايتىلىپ جاتقان ماسەلەگە بەي- جاي قاراماي، وعان ءوز پىكىرىمدى بىلدىرگەندى ءجون كوردىم. بىرىنشىدەن، كەشەگى سۇحباتتى مۇقيات كورىپ شىقساڭىز، داۋرەن مىرزا مەملەكەتتىك ءتىلدى مۇلدەم كەمسىتىپ وتىرعان جوق، ۇلتتىق مۇددەمىزدى دە ەشكىمگە جىعىپ بەرگەن جوق. ول قازاقستانداعى ورىس ءتىلىنىڭ احۋالىن ءتۇسىندىرىپ، وعان قىسىم جاسالىپ جاتىر دەگەن پايىمنىڭ ورىنسىز ەكەنىن انىق ءارى دايەكتى تۇردە جەتكىزدى. ەكىنشىدەن، مەنىڭ ارىپتەسىم قىزمەت بابىنا وراي، سولتۇستىكتەگى كورشى ەلدە بولىپ جاتقان اقپاراتتىق دۇربەلەڭگە بايلانىستى مەملەكەتتىك بيلىكتىڭ ۇستانىمىن ءبىلدىردى. بۇل ۇستانىم بارىڭىزگە بەلگىلى - قازاقستاندا تىلىنە، نانىم- سەنىمىنە بولا ادامدى كەمسىتۋگە جول بەرىلمەيدى. مۇنىمەن دە ەشكىم داۋلاسا قويمايتىن شىعار. ۇشىنشىدەن، داۋرەن ابايەۆ جالپى ۇلتشىلدىقتى قوعامدىق قۇبىلىس رەتىندە جوققا شىعارىپ، سىناعان جوق. ونىڭ مەڭزەپ وتىرعانى - اسىرە ۇلتشىلدىقتىڭ كورىنىستەرى. مۇنىڭ تۋعان ەلى مەن جەرىن سۇيەتىن پاتريوت ازاماتتاردىڭ ۇلتشىلدىعىنا ەش قاتىسى جوق. ال، ساياسي جانە قوعامدىق يدەولوگيادا قانداي دا اسىرە كوزقاراس پەن ءىس- ارەكەتتەن ارينە ساق بولعان ءجون. مەنىڭ ويىمشا بىزدەگى ۇلتشىلدىق مەملەكەتشىلدىكپەن استاسىپ جاتۋى قاجەت»، - دەپ جازدى، مەملەكەت باسشىسىنىڭ كومەكشىسى ءوزىنىڭ Facebook الەۋمەتتىك جەلىدەگى پاراقشاسىندا.
وسى رەتتە ول قوعامدىق ءىس- ارەكەتىمىزدىڭ ولشەمى مەملەكەتشىلدىك بولۋعا ءتيىس ەكەندىگىن ايتادى. ۇلتىن سۇيگەن ادام، ەڭ الدىمەن، مەملەكەتىنىڭ بولاشاعىن ويلاۋى جانە سوعان قىزمەت ەتۋى كەرەك. ء«بىز قوعامدىق ديسكۋسسيادا جالاڭ ۇراننان تەرەڭ ءارى بايىپتى ديالوگقا كوشۋىمىز كەرەك. سوندىقتان، بارشاڭىزدى سوڭعى پىكىرتالاسقا سابىرمەن قاراپ، ارىپتەسىم داۋرەن ابايەۆتىڭ مالىمدەمەسىنىڭ مانىنە تەرەڭ ۇڭىلۋگە، ونى دۇرىس تۇسىنۋگە شاقىرامىن»، - دەدى ەرلان قارين.