ا ق ش- تا اپتاپتان جۇزدەگەن تۇرعىن كوز جۇمدى
ازىرگە قىزىل جالىننىڭ تەك 22 پروتسەنتى عانا باقىلاۋعا الىنعان. ونى سوندىرۋگە كۇننىڭ ىستىعى مەن جەل كەدەرگى ەتىپ وتىر. جالپى بيىل وسى اپتاپتان جۇزدەگەن امەريكالىق كوز جۇمعان ەكەن. الايدا سۇمدىقتىڭ ءبارى ءالى الدا سەكىلدى. ماماندار الداعى كۇندەرى ءانومالدى ىستىق كۇتىلەتىنىن بولجاپ وتىر.
مەتەورولوگيالىق قىزمەتتىڭ ەسكەرتۋىنە سايكەس، ول 150 ميلليون تۇرعىنعا اسەر ەتۋى مۇمكىن. سيتسيليادا تەمپەراتۋرا 48,8 گرادۋسقا دەيىن كوتەرىلدى يتاليادا دا ۇقساس جاعداي. سيتسيليا ارالىندا تەرمومەتر باعانى 48,8 گرادۋستى كورسەتكەن. كەيبىر ماماندار مۇنداي تەمپەراتۋرا ەۋروپادا العاش رەت تىركەلگەنىن ايتادى. الايدا دۇنيەجۇزىلىك مەتەورولوگيالىق ۇيىم وكىلدەرى مۇنى ءالى راستاۋ ءۇشىن ءتيىستى تەكسەرۋلەر جۇرگىزۋ كەرەك.
پاولو لونگو، ورمان قورعاۋ قىزمەتىنىڭ ينسپەكتورى:
- بيىل قيىن جىل بولدى. بارىنە اپتاپ ىستىق سەبەپ. ەندى كەلەسى جىلى ورمان ءورتىنىڭ الدىن الۋ جۇمىستارىن ەرتە باستاپ كەتۋ كەرەك. ەگىس القاپتارى قۋراپ جاتىر چيلي جۇرتى دا اپتاپ ىستىقتىڭ زاردابىن تارتىپ وتىر. ەلدى سوڭعى ون جىلدا بولماعان قۋاڭشىلىق جايلادى. قازىر مۇندا قىس ماۋسىمى. ماماندار شىلدەدە جاڭبىر مەن قار جاۋا ما دەپ كۇتكەن ەدى. ءبىراق ولاي بولمادى. قىس مەزگىلىنە قاراماستان، اۋا تەمپەراتۋراسى جوعارى. سالدارىنان وزەن- كولدەردەگى سۋ دەڭگەيى تومەندەپ، ەگىس القاپتارى قۋراپ جاتىر. وسى ماسەلەگە بايلانىستى ارنايى توپ قۇرىلدى.
الفرەدو مورەنو، چيلي ازاماتتىق ينفراقۇرىلىم ءمينيسترى:
- قازىرگى جاعداي كۇردەلى. قۋاڭشىلىقتىڭ جالعاسىپ جاتقانىنا 13 جىل بولدى. ادەتتە ول ارى كەتسە 4 جىلعا سوزىلاتىن. بۇل مەتەوباقىلاۋ تاريحىنداعى ەڭ ۇزاق قۇرعاقشىلىق.
اندرەس كۋۆە، چيلي عىلىم جانە تەحنولوگيا ءمينيسترى:
- بىزدە سۋ ماسەلەسى بۇرىننان بار پروبلەما. الايدا سۇمدىقتىڭ ءبارى الدا. 2040 -جىلى تىرشىلىك ءنارىنىڭ تاپشىلىعى تۋىنداۋى مۇمكىن. كەيبىر وڭىردە جاۋىن- شاشىن 80 پروتسەنتكە از ءتۇستى.
عالىمدار پاريج كەلىسىمىنە كۇمانمەن قارايدى نەگىزى ب ۇ ۇ 2015 -جىلى كليمات بويىنشا پاريج كەلىسىمىن قابىلداعان. ونىڭ ماقساتى - پارنيكتىك گازداردىڭ مولشەرىن ازايتۋ. 2100 -جىلعا دەيىن ورتاشا جىلدىق تەمپەراتۋرانىڭ 2 گرادۋستان ارتىق كوتەرىلۋىنە جول بەرمەي، كورسەتكىشتى 1,5 گرادۋس شاماسىندا ۇستاپ تۇرۋ. الايدا عالىمداردىڭ ءبىرازى اۋاعا بولىنەتىن زياندى زاتتار مولشەرىن ايتارلىقتاي ازايتقان كۇننىڭ وزىندە دە بۇل مۇمكىن ەمەستىگىن ايتىپ وتىر.
www.24.kz