جاپونيادا قاتتى نوسەر سالدارىنان ءجۇز مىڭداعان ادام ەۆاكۋاتسيالانىپ جاتىر
21:03, 12 - تامىز 2021
نۇر- سۇلتان. قازاقپارات - كيۋسيۋ ارالىنداعى قاتتى نوسەرگە بايلانىستى ناگاساكي قالاسى مەن جاپونيانىڭ وڭتۇستىك- باتىسىنداعى باسقا دا ەلدى مەكەندەردىڭ ءجۇز مىڭداعان تۇرعىنى سۋ تاسقىنى مەن كوشكىن قاۋپىنەن ەۆاكۋاتسيالانىپ جاتىر، دەپ حابارلايدى قازاقپارات Reuters-كە سىلتەمە جاساپ.
بيلىك كيۋسيۋ ارالىنىڭ كەيبىر ورتالىق بولىكتەرىندە ەڭ قاۋىپتى بەسىنشى دەڭگەيدەگى ەۆاكۋاتسيالاۋ تۋرالى بۇيرىق شىعارىپ، تۇرعىنداردى ءوز ومىرلەرىن قورعاۋ بويىنشا شۇعىل شارالارعا جۇگىنۋگە شاقىردى.
جەرگىلىكتى بيلىك وكىلدەرىنىڭ حابارلاۋىنشا، ناگومي قالاسىندا وزەن ارناسىنان اسقان. بيلىك 3839 ءۇي شارۋاشىلىعىن ەۆاكۋاتسيالانۋعا شاقىردى. قازىرگى كەزدە تولاسسىز جاۋعان نوسەر جاڭبىر كيۋسيۋ ارالىنىڭ باتىسىنا قاراي جىلجىپ بارادى.