جاپونيادا پاراليمپيادا الاۋىن جاعۋ شاراسى باستالدى
الاۋ ەستافەتاسىنا بايلانىستى ءىس- شارالار 24-تامىزدان 5-قىركۇيەككە دەيىن وتەتىن پاراليمپيادا ويىندارىنا سەرپىن بەرۋ ماقساتىندا جۇرگىزىلدى. پاراليمپيادا ويىندارىنىڭ الاۋى جاپونياداعى 800 دەن استام مۋنيتسيپاليتەتتەن جينالىپ، انگليانىڭ ستوك- مانديەۆيلل قالاسىندا - پاراليمپيادا قوزعالىسىنىڭ رۋحاني وتانىنداعى الاۋمەن بىرىگەدى.
گرەكيادا جاعىلعان وليمپيادا الاۋىمەن سالىستىرعاندا، پاراليمپيادا ويىندارىنىڭ وتكىزۋ ورنى مەن ءتارتىبىن ءار مۋنيتسيپاليتەت ءوزى شەشەتىن بولدى. كەيبىر شارالار مۇمكىندىگى شەكتەۋلى ادامدارعا ارنالعان عيماراتتاردا جانە ارنايى مەكتەپتەردە، سونداي- اق تابيعي اپاتتان زارداپ شەككەن اۋدانداردا وتكىزىلەدى.
سەيسەنبىدەن 20-تامىزعا دەيىن پاراليمپيادا جارىسى وتەتىن ءتورت پرەفەكتۋرادا الاۋ جاعۋ شاراسى ۇيىمداستىرىلماق. ۇيىمداستىرۋشى مەملەكەت پەن ۇلىبريتانيادا جاعىلعان الاۋ 20-تامىزدا توكيوداعى سالتاناتتى شارادا بىرىگەدى.