د د س ۇ الەم كوشباسشىلارىن «تەڭسىزدىكتى» جويۋعا شاقىردى
د د س ۇ باس ديرەكتورىنىڭ اعا كەڭەسشىسى جانە دامۋشى ەلدەرگە پاندەميامەن كۇرەسۋ ءۇشىن رەسۋرستارمەن قامتاماسىز ەتۋگە باعىتتالعان ACT Accelerator Initiative كوشباسشىسى بريۋس ەيلۆورد ۇيىم الەمنىڭ ەڭ قۋاتتى 20 كوشباسشىسى مەن فارماتسەۆتيكالىق مەنەدجەرلەرىنەن كۇزگە دەيىن كوروناۆيرۋسقا قارسى ۆاكسينالارعا قولجەتكىزۋدەگى «تەڭسىزدىكتى» جويۋعا شاقىراتىنىن مالىمدەدى.
ەيلۆاردتىڭ ايتۋىنشا، ۆاكسينالارعا قولجەتكىزۋدەگى تەڭگەرىمسىزدىك الەمدى اشۋلاندىرۋى كەرەك. باي ەلدەردى قىركۇيەككە دەيىن بارلىق ەلگە حالىقتىڭ كەم دەگەندە 10 پايىزىن ۆاكسينالاۋعا كومەكتەسۋگە شاقىردى. قازىرگى ۋاقىتتا ءدارى- دارمەكتىڭ جەتىسپەۋشىلىگىنەن تابىسى تومەن ەلدەردىڭ 1,1 پايىزى عانا كەم دەگەندە ءبىر دوزانى العان.
د د س ۇ 2022 -جىلدىڭ باسىندا الەمدە 300 ميلليون كوروناۆيرۋس جۇقتىرۋ دەرەگى تىركەلەتىنىن جوققا شىعارمايدى. ءبىراق بۇعان ۆاكسيناتسيا ارقىلى جول بەرمەۋگە بولادى. ۇيىم مالىمەتىنشە، تەك سوڭعى التى ايدا COVID-19 جۇقتىرعانداردىڭ جالپى سانى 100 ميلليوننان 200 گە دەيىن ارتقان.