لاۋازىمدى تۇلعالار ۇستالدى: شىمكەنتتىڭ مادەنيەت باسقارماسى حابارلامانى تەرىسكە شىعاردى

شىمكەنت. قازاقپارات - شىمكەنت قالاسىنىڭ مادەنيەت، تىلدەردى دامىتۋ جانە ارحيۆتەر باسقارماسى ق ر سىبايلاس جەمقورلىققا قارسى ءىس-قيمىل اگەنتتىگىنىڭ اتالمىش باسقارمانىڭ لاۋازىمدى تۇلعالارى قاماۋعا الىنعانى جونىندەگى حابارلاماسىنان كەيىن رەسمي مالىمدەمە جاسادى، دەپ حابارلايدى قازاقپارات.

«الەۋمەتتىك جەلىلەر مەن ب ا ق-تا جاريالانعان ماتەريالدارعا سايكەس كەلەسىنى مالىمدەيمىز: شىمكەنت قالاسىنىڭ مادەنيەت، تىلدەردى دامىتۋ جانە ارحيۆتەر باسقارماسىنىڭ لاۋازىمدى تۇلعالارى (باسشى، باسشىنىڭ ورىنباسارلارى) بارلىعى جۇمىس ورنىندا ەكەنىن نازارلارىڭىزعا جەتكىزەمىز. سونىمەن قاتار، ەڭبەك دەمالىسىندا جۇرگەن 3 ماماننان باسقا قىزمەتكەرلەر دە تۇگەل جۇمىس ورنىندا. باسقارماعا قۇقىق قورعاۋ ورگاندارى تاراپىنان رەسمي حات كەلىپ تۇسكەن جوق»، - دەلىنگەن شىمكەنت قالالىق مادەنيەت، تىلدەردى دامىتۋ جانە ارحيۆتەر باسقارماسىنىڭ instagram -داعى رەسمي پاراقشاسىندا.

ايتا كەتەيىك، 11-تامىزدا سىبايلاس جەمقورلىققا قارسى قىزمەت شىمكەنت قالاسىنىڭ مادەنيەت، تىلدەردى دامىتۋ جانە ارحيۆتەر باسقارماسىنىڭ لاۋازىمدى تۇلعالارىن 80 ميلليون تەڭگە كولەمىندە پارا بەرۋگە ارەكەت جاسادى دەپ كۇدىككە ىلىنگەنى تۋرالى حابارلانعان بولاتىن.