جەڭىلىپ كورمەگەن قازاقستاندىق بوكسشى ءوز مانسابىنداعى ەڭ ۇلكەن ايقاسىن وتكىزەدى

نۇر- سۇلتان. قازاقپارات – 21 -تامىزدا سۋپەراۋىر سالماقتاعى قازاقستاندىق بوكسشى جان كوسوبۋتسكي (15-0, 14 ك و) كاسىپقوي رينگتە كەزەكتى جەكپە- جەگىن وتكىزەدى، دەپ حابارلايدى قازاقپارات Sports.kz سايتىنا سىلتەمە جاساپ.

گەرمانيانىڭ گامبۋرگ قالاسىنداعى Universum Gym زالىندا جان WBA International تيتۋلىن قورعاۋ ماقساتىندا امەريكاندىق بوكسشى دجوۋي داۆەيكوعا (21-8-4, 12 ك و) قارسى جۇدىرىقتاسادى. جەكپە- جەك فورماتى - 12 راۋند.

بەدەلدى BoxRec.com سايتى كوسوبتسكيدىڭ الداعى جەكپە- جەگىن ءۇش جۇلدىزعا باعالاعان - بۇگىندە بۇل ونىڭ مانسابىنداعى ەڭ جوعارى كورسەتكىش، بۇعان دەيىن ول كوپ بولعاندا ەكىجۇلدىزدى كەزدەسۋلەر وتكىزەتىن.

BoxRec.com-داعى جەكپە- جەكتەر رەيتينگى بوكس كەشىنىڭ ستاتۋسىنا، وپپوزيتسيا دەڭگەيىنە، سونداي- اق ويناتىلاتىن تيتۋلدار بەدەلىنە نەگىزدەلەدى.