قازاقستان تىكۇشاقتارى تۇركيا رەسپۋبليكاسىنا جەتتى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆتىڭ تاپسىرماسى بويىنشا تۇرىك حالقىنا باۋىرلاستىق جانە گۋمانيتارلىق كومەك كورسەتۋ اياسىندا 11 -تامىز ساعات 13.25 تە ق ر توتەنشە جاعدايلار مينيسترلىگىنىڭ قۇتقارۋ توبى دالامان قالاسىنا جەتتى.

ونىڭ قۇرامىندا 2 مي-8 امت تىكۇشاعى جانە ورمان ورتتەرىن سوندىرۋگە تارتىلعان 16 قۇتقارۋشى بار. بۇل تۋرالى ق ر ت ج م رەسمي وكىلى تالعات ءۋالي مالىمدەدى.

«تۇستەن كەيىن ءورت ءسوندىرۋ ورىندارىندا بارلاۋ ماقساتىندا ۇشۋ جوسپارلانعان. ودان ءارى قازاقستاننىڭ ت ج م جەكە قۇرامى تۇركيا رەسپۋبليكاسى ت ج م جەدەل شتابىنىڭ قاراماعىندا ءورت ءسوندىرۋ جۇمىستارىنا كىرىسەدى»، - دەلىنگەن حابارلامادا.

وسىعان دەيىن قازاقستاننىڭ تۇركياداعى ءورتتى سوندىرۋگە تىكۇشاقتار جىبەرگەنى حابارلاندى.