بالالارىم ساباققا مەكتەپ فورماسىمەن بارادى - اسحات ايماعامبەتوۆ
«مەكتەپ فورماسىن كەرەك ەمەس دەپ الىپ تاستادى، دەگەن اقپارات شىعىپ جاتىر. بۇل شىندىققا سايكەس كەلمەيدى. نەگىزىندە مىندەتتى مەكتەپتىڭ فورماسى جانە ءبىزدىڭ ءتيىستى بۇيرىعىمىز كۇشىن جويعان جوق ءارى ول قالادى. ءبىز وقۋشىلاردىڭ مەكتەپ فورماسىمەن ساباققا كەلگەنىن قۇپتايمىز. ءبىراق، پاندەميا سالدارىنا بايلانىستى مەكتەپ فورماسىمەن كەلۋگە مۇمكىندىك بولماسا، ياعني ساتىپ الا الماسا، باسقا دا دالەلدى سەبەپتەرى بولسا، وندا ولارعا كلاسسيكالىق ۇلگىدەگى كيىممەن ساباققا كەلۋگە رۇقسات بەرىلدى. سوندىقتان وسى شەشىمدى دۇرىس ءتۇسىنۋ كەرەك»، - دەدى اسحات ايماعامبەتوۆ Tengrinews.kz اقپاراتتىق پورتالىنا بەرگەن سۇحباتىندا.
سونىمەن قاتار مينيستر جاڭا وقۋ جىلىندا بالالارىنىڭ ساباققا مەكتەپ فورماسىمەن باراتىندىعىن باسا ايتتى.
«ءبىز شەشىم قابىلدادىق جانە بالالار دا مۇنىمەن كەلىسىپ وتىر. ساباققا مەكتەپ فورماسىمەن بارامىز. مەنىڭشە، بۇل قولايلى، ءتىپتى ءبىر جاعىنان ۇنەمدى دە. قاي جاعىنان الىپ قاراساق دا وڭ تۇسى كوپ. سوندىقتان ءوزىم تولىقتاي دا مەكتەپ فورماسىن قولدايمىن. ارينە، بۇل جەردە وتە كوپ پىكىرتالاس بولۋى دا مۇمكىن»، - دەدى ول.