ءبىلىم بەرۋدىڭ ءداستۇرلى فورماتىنا ورالۋ قاجەتتى شارا – ايماعامبەتوۆ
«ءبىلىم بەرۋدىڭ ءداستۇرلى فورماتىنا ورالۋ قاجەتتى شارا. اتا- انالاردىڭ باسىم بولىگى مۇعالىمدەر مەن وقۋشىلار بۇل جاڭالىقتى كوپتەن بەرى كۇتتى. تاياۋدا ۆەدومستۆوارالىق كوميسسيا جاڭا وقۋ جىلىن ءداستۇرلى فورماتتا باستاۋ مۇمكىندىگى تۋرالى شەشىم قابىلدادى»، - دەدى اسحات ايماعامبەتوۆ Tengrinews.kz اقپاراتتىق پورتالىنا بەرگەن سۇحباتىندا.
ءمينيستردىڭ اتاپ وتۋىنشە، ءبىلىم بەرۋدىڭ ءداستۇرلى فورماتىنا ورالۋ بالاباقشالارعا دا، كوللەدجدەر مەن جوعارى وقۋ ورىندارىنا دا قاتىستى.
«ءبىز ءۇشىن بالالاردىڭ قاۋىپسىزدىگى ماڭىزدى ماسەلە. قاجەتتى ۇيىمداستىرۋشىلىق دايىندىقتى قامتاماسىز ەتۋگە ءتيىسپىز. سانيتارلىق شەكتەۋلەردى، ەڭ الدىمەن ماسكا رەجيمىن ساقتاۋ كەرەك. ەكىنشى - كۆارتستاۋ، دەزينفەكسيالاۋ رەجيمى. ءۇشىنشى - سىنىپتىڭ ءبىر كابينەتتە بولۋى. ياعني، كابينەتتىك جۇيە الىنىپ تاستالادى. ءبىر سىنىپ بەكىتىلەدى. ءۇزىلىس تە ءارتۇرلى ۋاقىتتا بولادى»، - دەدى ول.