ساۋدا ءمينيسترى كوكونىس باعاسىنا قاتىستى تۇسىنىك بەردى
«الدىمەن ىشكى ساۋدا سالاسىنىڭ دامۋى تۋرالى قىسقاشا ايتىپ وتكەن ءجون. بارلىق كورسەتكىشتەر وڭ ديناميكانى دالەلدەپ وتىر. ماسەلەن، ساۋدانىڭ ناقتى كولەم يندەكسىنىڭ كورسەتكىشى 9,1 دى قۇراپ، پاندەمياعا دەيىنگى جىلداردىڭ كورسەتكىشتەرىنەن دە جوعارى. وسى ۇردىستەردى راستايتىن ەلەكتروندىق كوممەرتسياداعى جاعدايدى ايتۋعا بولادى. جىل قورىتىندىسى بويىنشا ەلەكتروندىق ساۋدانى عا دەيىن جەتكىزۋ جوسپارلانعانىمەن، بۇگىنگى كۇنى وسى كورسەتكىش ,2 دى قۇرادى»، - ب. سۇلتانوۆ.
ونىڭ ايتۋىنشا، الەۋمەتتىك ماڭىزى بار ازىق-تۇلىك تاۋارلارىنىڭ باعالارى جىل باسىنان بەرى 10,3 پايىزعا ءوستى.
«ماۋسىمارالىق كەزەڭدە باعانىڭ ءوسۋى بايقالاتىن كوكونىستەر، يمپورتقا تاۋەلدى ونىمدەر، سونداي- اق جوعارى ەكسپورتتىق سۇرانىسى بار تاۋارلار ەڭ جوعارى ءوسىم كورسەتتى. وڭىرلەردەگى قالىپتاسقان جاعداي بويىنشا، ەڭ جوعارعى ءوسىم تۇركىستان وبلىسىندا، ,6 نۇر-سۇلتان قالاسىندا جانە ,4 قاراعاندى وبلىسىندا تىركەلدى. دەگەنمەن ءساۋىر ايىنان بايقالعان باعالاردىڭ ءوسىمى تۇراقتانىپ، ال ترەندى تومەندەۋگە بۇرىلعانىن كورىپ وتىرمىز. ماسەلەن، كارتوپ باعاسىنىڭ ماۋسىمدىق ءوسۋى ءساۋىر- ماۋسىم ارالىعىندا بەلگىلەندى. بۇدان ءارى، وڭتۇستىك ايماقتارداعى ەرتە پىسەتىن كارتوپتىڭ ءتۇسىمى ۇلعايعان سايىن، ءونىمنىڭ باعاسى تومەندەدى. ەڭ جوعارى ءوسۋ ساتىنەن باستاپ، باعالار & عا نەمەسە 54 تەڭگەگە ءتۇستى»، - دەدى مينيستر. تامىز جانە قىركۇيەك ايلارىندا سولتۇستىك ايماقتاردا ءونىمنىڭ جاپپاي جينالۋى كۇتىلۋدە، بۇل ىشكى نارىقتى كارتوپپەن تولىقتىرادى جانە باعانىڭ ودان ءارى تومەندەۋىن ىنتالاندىرادى.
«ەگىن جيناۋ كەزەڭىندە 577 مىڭ توننا ءسابىز ءتۇسىمى كۇتىلۋدە. بۇل ءسابىزدىڭ باعاسىن ەداۋىر تۇسىرۋگە ىقپالىن تيگىزەدى. پياز بەن قىرىققابات باعالارىنىڭ ءوسۋى ءالى دە بايقالادى. مالىمەتتەرگە سايكەس، پياز بەن قىرىققابات بويىنشا جاپپاي ەگىن جيناۋ تامىز ايىنىڭ سوڭى مەن قىركۇيەكتىڭ باسىنان باستالادى. تيىسىنشە، باعانىڭ تومەندەۋى تەك اعىمداعى ايدىڭ سوڭىندا بولادى»، - دەدى ب. سۇلتانوۆ.
«ءبىز باعا تۇراقتاندىرۋدىڭ نەگىزگى قۇرالدارىنا تالداۋ جۇرگىزدىك. ناتيجەلەرى وڭىرلەردە تۇراقتاندىرۋ قورلارىنا تاۋارلاردى ساتىپ الۋعا قاراجاتتىڭ دۇرىس بولىنبەگەنىن جانە مەحانيزمدى ءتيىمسىز پايدالانۋدىڭ ءالى دە فاكتىلەرى بار ەكەنىن كورسەتتى. ءبىز بۇرىن بايانداعانداي كەيبىر وڭىرلەردە تاۋەكەلى جوعارى ونىمدەرگە ءمان بەرۋدىڭ ورنىنا، باعالارى تۇراقتى تاۋارلار ساتىپ الىنعان. مىسالى، قاراجاتتىڭ 37 پايىزدى ۇندى ساتىپ الۋعا جۇمسالدى. ونىڭ باعاسى بىزدە تۇراقتى. سونداي-اق، ءداستۇرلى تۇردە ينفلياتسيا شەگىندە عانا قىمباتتايتىن تۇز جانە ءسۇت ونىمدەرى سياقتى تاۋارلار ساتىپ الىندى. اكىمدىكتەر قاراجاتتى تاۋەكەلى جوعارى جانە باعالارى قۇبىلمالى الەۋمەتتىك ماڭىزى بار تاۋارلارعا شوعىرلاندىرۋ قاجەت»، - دەدى ول.
اۆتور: رۋسلان عابباسوۆ