ءبىلىم بەرۋ ۇيىمدارىندا بارلىعى ماسكا كيۋگە مىندەتتى - اسحات ايماعامبەتوۆ
11:28, 11 - تامىز 2021
نۇر-سۇلتان. قازاقپارات - بارلىق ءبىلىم بەرۋ ۇيىمدارىندا قىزمەتكەرلەر مەن ءبىلىم الۋشىلارعا ماسكا كيۋ مىندەتتى.
بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«جاڭا وقۋ جىلىندا وقۋشىلاردىڭ قاۋىپسىزدىگىن قامتاماسىز ەتۋ جانە دەنساۋلىعىن ساقتاۋ ءۇشىن ارنايى سانيتارلىق ءىس- شارالار قابىلدانادى. بارلىق مەكتەپتەر، كوللەدجدەر مەن ۋنيۆەرسيتەتتەردەگى قىزمەتكەرلەر مەن ءبىلىم الۋشىلارعا ماسكا كيۋگە مىندەتتى بولادى. بارلىق ءبىلىم بەرۋ ۇيىمدارىندا كۇندەلىكتى تەرمومەتريا، جەلدەتۋ، كۆارتستەۋ، دەزينفەكسيالاۋ ءىس- شارالارى جۇرگىزىلەتىن بولادى»، - دەدى اسحات ايماعامبەتوۆ.
ونىڭ اتاپ وتۋىنشە، ستۋدەنتتەر، پەداگوگتار مەن باسقا دا قىزمەتكەرلەر عيماراتقا «Ashyq» جۇيەسى ارقىلى كىرگىزىلەدى.