بەرليندە اباي ەسكەرتكىشى ورناتىلادى

نۇر- سۇلتان. قازاقپارات - گەرمانيا استاناسى بەرلين قالاسىندا قازاقتىڭ باس اقىنى اباي قۇنانباي ۇلىنىڭ ەسكەرتكىشى ورناتىلادى.

بۇل تۋرالى گەرمانياداعى Deutsch-Kasachische Gesellschaft گەرمانيا- قازاقستان قوعامىنىڭ جەتەكشىسى گالينا نۇرتازينا ءمالىم ەتتى، دەپ حابارلايدى قازاقپارات ءتىلشىسى.

«2000 -جىلى گەرمانيا استاناسى بەرليندە اباي اتىنداعى كوشە اشىلدى. قاتەلەسپەسەم ەۋروپا كەڭىستىگىندە ابايدىڭ قۇرمەتىنە بەرىلگەن العاشقى كوشە. ارينە، بۇل جەردە قازاقستان رەسپۋبليكاسىنىڭ ورنى مەن ەلشىلىك قىزمەتكەرلەرىنىڭ ەڭبەگى زور. بيىل بەرليندەگى اباي اتىنداعى كوشە بويىندا ونىڭ ەسكەرتكىشى ورناتىلادى»، - دەدى گالينا نۇرتازينا «ادامزاتتىڭ ءبارىن ءسۇي، باۋىرىم دەپ» اتتى اقىن ابايدىڭ تۋعان كۇنىنە وراي ونلاين وتكەن كونسەرت بارىسىندا.

ونىڭ ايتۋىنشا، بەرليندەگى اباي كوشەسى قازاقستان ەلشىلىگى عيماراتىنانا جاقىن جەردە ورنالاسقان.

«ەلشىلىككە قوناق بولىپ كەلگەن ءاربىر ادام ابايدىڭ كىم ەكەنىن سۇراپ جاتادى. ارينە، ءبىز قۋانا- قۋانا ابايدىڭ قازاق حالقى ءۇشىن كىم ەكەنىن ايتىپ بەرەمىز. اباي جانە ونىڭ شىعارماشىلىعىن حالىقارالىق دەڭگەيدە دارىپتەۋ ماقساتىندا وتكەن جىلدىڭ قاراشا ايىنان باستاپ ءبىزدىڭ ورتالىقتا «اباي ءۇيى» ءوز ەسىگىن ايقارا اشتى. الداعى قاراشادا ورتالىقتىڭ جۇمىس ىستەپ تۇرعانىنا 1 جول تولادى. وسى ۋاقىت ارالىعىندا كوپتەگەن ءىس- شارالار ۇيىمداستىرىلدى»، - دەيدى ول.

ايتا كەتسەك، نۇر- سۇلتان قالاسىندا اباي كۇنىنە ارنالعان حالىقارالىق ونلاين ءدارىس- كونسەرتى ءوتتى. سونداي- اق، اتالعان شارادا «اباي مەرەيتويى» اتتى كىتاپتىڭ تۇساۋى كەسىلدى.