اتىراۋدا ءبىر اي وكپەنى جاساندى جەلدەتۋ اپپاراتىنا قوسىلعان ايەل ەمدەلىپ شىقتى
وبلىستىق دەنساۋلىق ساقتاۋ باسقارماسى باسپا ءسوز قىزمەتىنەن ءمالىم ەتكەندەي، 59 جاستاعى التىن تولەگەنوۆا ماۋسىم ايىنىڭ باسىندا يندەر اۋداندىق اۋرۋحاناسىنا تۇسكەن. جاعدايى ناشارلاعان سوڭ اتىراۋ قالاسىنداعى مودۋلدىك اۋرۋحانانىڭ جان ساقتاۋ بولىمىنە اۋىستىرىلعان.
«جان ساقتاۋ بولىمىنە كەلگەندە ەكى جاقتى پنيەۆمونيا، وكپەنىڭ � قابىنۋى دەگەن دياگنوز قويىلدى. ءبىر اي بويى وكپەنى جاساندى جەلدەتۋ اپپاراتىنا قوسۋلى جاتتىم. دارىگەرلەردىڭ كۇش- جىگەرىنىڭ ناتيجەسىندە قاۋىپتى ۆيرۋستان امان قالدىم. مەنى بەيىندى بولىمشەنىڭ پالاتاسىنا اۋىستىردى، وندا ەمدەۋدى جالعاستىردىم»،-دەيدى التىن تولەگەنوۆا.
بۇگىن، 10-تامىزدا التىن تولەگەنوۆا مودۋلدىك اۋرۋحانانىڭ ينفەكتسيالىق ستاتسيونارىنان شىعارىلدى. قازىر ونىڭ وكپەسى % 12 زاقىمدانعان. ەندى ءۇش اي بويى تۇرعىلىقتى مەكەن جايى بويىنشا دارىگەرلەردىڭ باقىلاۋىندا بولادى. سونداي- اق، ارنايى وڭالتۋدان وتەدى.
«مەن 10 كۇن بويى وتتەگى كونتسەنتراتورىنىڭ كومەگىمەن دەم الامىن. سودان كەيىن دارىگەرلەردىڭ باقىلاۋىمەن وكپەنىڭ جۇمىسىن قالپىنا كەلتىرەمىن. وسى ورايدا ەمدەلۋ كەزىندە دارىگەرلەرگە كورسەتكەن قامقورلىعى مەن جىلى سوزدەرى ءۇشىن العىسىمدى بىلدىرگىم كەلەدى. ال، تۇرعىنداردان تۋعان- تۋىستارىڭىز بەن جاقىندارىڭىزدىڭ قاۋىپسىزدىگى ءۇشىن بەتپەردە كيىپ، ادامدار كوپ جينالاتىن ورىندارعا بارماۋدى سۇرايمىن»،-دەيدى التىن تولەگەنوۆا. ەسكە سالا كەتەلىك، بۇعان دەيىن اتىراۋدا وكپەسى 90 پايىز قابىنعان ايەل ەمدەلىپ شىققانىن جازعان بولاتىنبىز.