قازاقستاندا كومىر تۇتىنۋ كولەمى ازايادى
بۇل تۋرالى اتالعان مينيسترلىكتىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات. «نەگىزگى سەبەپ - ەلدى مەكەندەرگە گاز تارتۋ كولەمىنىڭ ۇلعايۋى. ناتيجەسىندە، كومىردى تۇتىنۋ 4,8 ميلليون تونناعا دەيىن تومەندەيدى (وتكەن قىستىڭ كورسەتكىشى - 7,2 ميلليون توننا). الدىن الا مالىمەت بويىنشا، بيىلعى ءبىرىنشى جارتىجىلدىقتا كوممۋنالدىق- تۇرمىستىق قاجەتتىلىكتەرگە جانە تۇرعىندارعا 3,4 ميلليون توننا كومىر تيەلدى. ەنەرگيا ءوندىرۋشى كاسىپورىندارعا 31,3 ميلليون توننا، ونەركاسىپتىك كاسىپورىنداردىڭ قاجەتتىلىكتەرىنە 2,9 ميلليون توننا جونەلتىلدى. 14,5 ميلليون توننا ەكسپورتقا كەتتى»، - دەلىنگەن مينيسترلىك مالىمەتىندە.
ش ق و، س ق و جانە الماتى قالاسىن قوسپاعاندا، بارلىق وڭىرلەر 2021-2022 -جىلعى جىلۋ بەرۋ كەزەڭىندە كومىر ونىمىنە دەگەن قاجەتتىلىكتەرىن راستاپ، جاڭا ماۋسىمعا دايىندىقتى باستاپ كەتتى. كومىر ساتىپ الۋعا تەندەرلەر جاريالانىپ، وڭىرلىك وپەراتورلار ايقىندالدى. وتاندىق كومىر ءوندىرۋشى كومپانيالار 2021 -جىلعى قاڭتار- شىلدە ايلارىندا بارلىعى 59,7 ميلليون توننا كومىر (كومىر كونسەنتراتىن قوسپاعاندا) نەمەسە وتكەن جىلعى كورسەتكىشپەن سالىستىرعاندا �,9 ءوندىردى. كومىردى نەگىزىنەن ءتورت كومىر ءوندىرۋشى كومپانيا جەتكىزەدى. ولاردىڭ نارىقتىق ۇلەسى جەتكىزۋدىڭ جالپى كولەمىنىڭ � نا تەڭ.
«كومىر ەنەرگەتيكالىق كاسىپورىندارعا رازرەزدەردىڭ بوساتۋ باعالارىمەن جونەلتىلەدى. ال كوممۋنالدىق- تۇرمىستىق تۇتىنۋشىلار مەن حالىق ءۇشىن كومىردىڭ نەگىزگى كولەمى تاۋار بيرجاسى ارقىلى وتكىزىلەدى. بيىل بيرجا كوميتەتىنىڭ حاتتاماسىمەن كوممۋنالدىق- تۇرمىستىق كومىردى تاۋار بيرجالارى ارقىلى وتكىزۋ جونىندەگى سەكتسيالىق قاعيدالار بەكىتىلدى. جاڭا ەرەجەلەر نارىقتىق وبەكتيۆتى باعا ينديكاتورلارىن (تۇتىنۋشىلار ءۇشىن مونوپوليالىق جوعارى ەمەس جانە جەتكىزۋشىلەر ءۇشىن ءتيىمسىز تومەن ەمەس) قالىپتاستىرۋعا كومەكتەسۋگە ارنالعان. جاڭا قاعيدالار بويىنشا وڭىرلىك وپەراتورلار وبلىستىڭ كومىر قاجەتتىلىگىنىڭ تاۋار بيرجاسى ارقىلى تىكەلەي الادى. ماقسات - اراعا دەلدالداردى قاتىستىرماۋ. كومىردىڭ قالعان � كومىر ءوندىرۋشى كومپانيالار ءوز تالاپتارىمەن وتكىزە الادى. ياعني، تىكەلەي كەلىسىمشارتتار، بيرجالىق ساۋدا ارقىلى. الايدا ونىڭ دا باعاسى مونوپولياعا قارسى ورگاننىڭ باقىلاۋىندا بولادى»، - دەپ اتالىپ وتكەن حابارلامادا.