شارىن ۇلتتىق پاركىندە ەكورەيد وتكىزىلدى
ەكواكسيا بارىسىندا كەلۋشىلەرگە تۋريستىك مارشرۋتتاردا سانيتارلىق نورمالار مەن قاۋىپسىزدىك تەحنيكاسى ەرەجەلەرىن ساقتاۋ تۋرالى تۇسىندىرمە پاراقشالار تاراتىلدى، سونداي- اق اۋماقتى تازالاۋ جۇمىستارى جۇرگىزىلدى. وعان پارك قىزمەتكەرلەرى، الماتى وبلىسى ۇيعىر اۋداندىق پوليسيا بولىمشەسى قىزمەتكەرلەرى مەن ەرىكتىلەر اتسالىستى. سونداي- اق قازاقستاننىڭ حالىق ءارتىسى، ءانشى روزا رىمبايەۆا دا قاتىستى.
«تابيعات- ءبىزدىڭ ءۇيىمىز، بايلىعىمىز. ادام ءوز ءۇيىن تازا ۇستايدى، اۋلاسىن تازالايدى. سوندىقتان تابيعاتقا دا وسىلاي قاراۋ كەرەك» - دەدى ر. رىمبايەۆا.
رەيد كەزىندە ءتۋريستىڭ بەلگىلەنبەگەن جەرگە قوقىس تاستاۋ فاكتىسى تىركەلدى. ينسپەكتور اكىمشىلىك قۇقىق بۇزۋشىلىق تۋرالى حاتتاما جاسادى.
سونىمەن قاتار، تۋريستەر توبىنا ساياباقتا تىيىم سالىنعان وزەنگە شومىلۋعا بايلانىستى مارشرۋتتاردا بەلگىلەنگەن ەرەجەلەردى ساقتاۋ قاجەتتىلىگى تۋرالى ەسكەرتىلدى.