امەريكالىق ۆاكسيناعا بالالار مەن جۇكتى ايەلدەر عانا قول جەتكىزە الادى - دەنساۋلىق ساقتاۋ ءمينيسترى
ول ا ق ش- تا شىعارىلعان ەكپە قازاقستانعا قازان ايىندا جەتكىزىلەتىنىن مالىمدەدى. ازىرگە قانداي كولەمدە بولاتىنى بەلگىسىز. ءبىر انىعى - بۇل ۆاكسينا الدىمەن اياعى اۋىر ايەلدەر مەن 12 جاسقا تولعان بالالارعا سالىنادى. ءبىراق ونىڭ وزىندە اتا- اناسىنىڭ كەلىسىمى قاجەت بولادى. مينيستر ۆاكسينا ەرىكتى تۇردە سالىناتىنىن تاعى دا ەسكە سالدى.
الەكسەي سوي، ق ر دەنساۋلىق ساقتاۋ ءمينيسترى:
- قازان ايىندا Pfizer ۆاكسيناسىنا تەك بالالار مەن جۇكتى ايەلدەر عانا قول جەتكىزە الادى. بارىنە جەتپەيدى. سوندىقتان ول ەكپەگە سەنىم ارتۋدىڭ قاجەتى جوق. ەلدە بار، قازىر سالىنىپ جاتقان ۆاكسينانى پايدالانعان ءجون.
مينيستر امەريكالىق ۆاكسينا قاشان كەلەدى دەپ ۋاقىت وزدىرۋعا بولمايتىنىن دا ەسكەرتتى. سول سەبەپتى ەلدە بار ەكپەنى پايدالانۋ قاجەت دەيدى. سونداي- اق الەكسەي سوي قازان ايىنا قاراي ەلىمىزدە ۆاكسينا قابىلداعاندار تاعى ەكپە سالۋى مۇمكىن ەكەنىن ايتتى.
الەكسەي سوي، ق ر دەنساۋلىق ساقتاۋ ءمينيسترى:
- قازاقستان ۆاكسينا سالۋدى سالىستىرمالى تۇردە كەشىرەك، ياعني، اقپان ايىندا باستادىق. كوپشىلىك ماۋسىم- شىلدە ايلارىندا ەكپە الدى. ءبىزدىڭ انتيدەنەلەر ءالى دە جاڭا، دەڭگەيى جوعارى. سوندىقتان ەكىنشى دوزانى العاننان كەيىن شامامەن 9 اي وتكەن سوڭ كۇنتىزبەگە قوساتىن شىعارمىز.
www.24.kz