تەمىرتاۋدا ۇيلەردىڭ اۋلاسىندا ەر ادامدى اتىپ كەتتى
تامىز ايىنىڭ 8 ىنەن 9 ىنا قاراعان ءتۇنى ەسكى قالالىق پوليتسيا بولىمىنە ورتالىق اۋرۋحاناعا ءارتۇرلى دەنە جاراقاتتارىمەن 27 جاستاعى قالا تۇرعىنى جاتقىزىلعانى تۋرالى اقپارات تۇسكەن.
وقيعا ورنىنا جەدەل-تەرگەۋ توبى جىبەرىلدى. پوليتسيا قىزمەتكەرلەرى وقيعا سوزگە كەلىسپەۋشىلىك سالدارىنان بولعانى جانە ونىڭ بارىسىندا تراۆماتيكالىق قارۋ قولدانعانىن انىقتادى. اتالعان فاكتى بويىنشا تەمىرتاۋ قالالىق پوليتسيا باسقارماسىنىڭ بارلىق جەكە قۇرامىنا باعىتتاما بەرىلدى.
«كريمينالدىق پوليتسيا قىزمەتكەرلەرىمەن جۇرگىزىلگەن جەدەل- ىزدەستىرۋ ءىس-شارالارى بارىسىندا وقيعاعا قاتىسقانداردىڭ بارلىعى انىقتالدى. 20 مەن 37 جاس ارالىقتارىنداعى ءتورت كۇدىكتى ۇستالدى. پوليتسيا قىزمەتكەرلەرىمەن بۇزاقىلىق ارەكەتتى باستاۋعا سەبەپ بولعان 30 جاستاعى ەر ادام انىقتالدى. ول قالاداعى ۇيلەردىڭ اۋلاسىندا جابىرلەنۋشىمەن سوزگە كەلىسپەي قالىپ، تراۆماتيكالىق قارۋمەن وق اتقانى تۋرالى مويىنداۋ كورسەتپە بەلگىلەرىن بەردى. قازىرگى ۋاقىتتا ول ۋاقىتشا ۇستاۋ يزولياتورىنا قامالىپ، قارۋ تاركىلەندى»، - دەدى قاراعاندى وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى قۇرمانعالي ىسماعۇلوۆ.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 293-بابى 3-تارماعىنا سايكەس قىلمىستىق ءىس قوزعالدى. قازىرگى ۋاقىتتا پوليتسيا قىزمەتكەرلەرىمەن وقيعاعا قاتىسقان باسقا دا ازاماتتاردى ۇستاۋ بويىنشا كەشەندى ءىس-شارالار جۇرگىزىلۋدە.