نۇر- سۇلتاندا ۆاكسينالانعاندار اراسىندا ويناتىلعان سىيلىقتاردىڭ جەڭىمپازدارى انىقتالدى

نۇر- سۇلتان. قازاقپارات - نۇر- سۇلتاندا ەكپە العاندار اراسىندا اپتا سايىن وتەتىن باعالى سىيلىقتاردىڭ ۇتىس ويىنى جالعاسۋدا، دەپ حابارلايدى قازاقپارات ەلوردا اكىمدىگىنىڭ سايتىنا سىلتەمە جاساپ.

تاعى بەس iPhone12 جانە باسقا دا باعالى سىيلىقتاردىڭ بەسىنشى ۇتىس ويىنى 7-تامىزدا (سەنبى) ساعات 17:00-دە نۇر- سۇلتان قالاسى اكىمدىگىنىڭ الەۋمەتتىك پاراقشالارىندا (Facebook, YouTube) تىكەلەي ەفيردە ءوتتى. 5- ۇتىس ويىنىنا 28 شىلدە مەن 6-تامىز (قوسا العاندا) ارالىعىندا ەكپە العاندار قاتىستى. بۇل ۇتىس ويىندارىنا ۆاكسيناتسيالاۋدىڭ بارلىق پۋنكتتەرى قاتىسادى: مەديتسينالىق مەكەمەلەر، ساۋدا ويىن- ساۋىق ورتالىقتارى مەن ساۋدا ۇيلەرى دە.

ۇتىس ويىنىنا قاتىسۋ اۆتوماتتى تۇردە جۇزەگە اسادى، ازاماتتارعا قۇجاتتاردى تولتىرىپ، تىركەلۋدىڭ قاجەتى جوق. قالا اكىمدىگى دەمەۋشىلەر ەسەبىنەن باعالى سىيلىقتاردىڭ ۇتىس ويىندارىن اپتا سايىن وتكىزەدى. وسىلايشا، بەسىنشى ۇتىس ويىنىنىڭ جەڭىمپازدارى: بەس iPhone 12 - № 14674 - نازگۇل تولقىبەكوۆا، №1642 - ميراس نوگەربەكوۆ، №10104 - قۋانىش سۇلەيەنوۆ، №1055 - اقمارال قابسابىر، №10918 - دارحان زۋحۋرنايەۆ.

«تەحنودوم» دۇكەنىنەن كىر جۋعىش ماشينانى جەڭىپ الدى: №691 - يرينا ماتۆەيەۆا. «تەحنودوم» دۇكەنىنەن توڭازىتقىشتى جەڭىپ الدى: №6311 - ايان قابەنوۆا.

Birge پلاتفورماسىندا ۇتىس ويىنىنىڭ جەڭىمپازدارىن انىقتاۋ ءۇشىن (https://birge-elorda.kz/nur-sultan) ارنايى راندومايزەر سەرۆيسى ورناتىلعان، ول ۆاكسينالانعانداردىڭ ID- ءىن گەنەراتسيالاۋ ارقىلى جۇلدەگەرلەردى تاڭدايدى. ونى ازىرلەۋگە IT- قاۋىمداستىق تا قاتىستى.

ەكپە العاندار بويىنشا سەرۆيس ق ر دەنساۋلىق ساقتاۋ مينيسترلىگىنىڭ اقپاراتتىق جۇيەسىمەن بىرىكتىرىلگەن.

ايتا كەتەيىك، ەلوردادا ازاماتتاردى ۆاكسينالاۋعا ىنتالاندىرۋ ماقساتىندا باعالى سىيلىقتار ويناتىلادى. سونىمەن قاتار، ەكپە العاندار اراسىندا 2 بولمەلى پاتەر ويناتىلادى. وسى جىلدىڭ 25-ماۋسىمى مەن 31-تامىزى ارالىعىندا ۆاكسينانىڭ 1- كومپونەنتىن العان 18 جاستان اسقان قالا تۇرعىندارىنىڭ ەلوردادا جىلجىمايتىن مۇلىكتى ۇتىپ الۋ مۇمكىندىگى بار. بۇل ۇتىس ويىنىنا ۆاكسيناتسيانىڭ بارلىق پۋنكتتەرى قاتىسادى: مەديتسينالىق مەكەمەلەر، ساۋدا ويىن- ساۋىق ورتالىقتارى مەن ساۋدا ۇيلەرى. ايتا كەتۋ كەرەك، ۇتىس ويىندارى دەمەۋشىلەردىڭ كومەگىمەن وتكىزىلەدى.

سونداي- اق MEGA «Silk Way» ساۋدا ويىن- ساۋى ورتالىعىنداعى ۆاكتسيناتسيا پۋنكتىندە 1- كومپونەنتپەن ۆاكتسيناتسيالانعاندار اراسىندا ءاۆتوموبيلدىڭ ۇتىس ويىنى جاريالاندى. ەلوردادا وتكىزىلەتىن ۇتىس ويىندارى ازاماتتاردى ەكپە الۋعا ىنتالاندىرۋ، وسىلايشا ءوزىنىڭ، جاقىندارىنىڭ دەنساۋلىعىن ساقتاۋ ءۇشىن ۇيىمداستىرىلادى. ويتكەنى باستى ماقسات - ۇجىمدىق يممۋنيتەتتى قالىپتاستىرىپ، بۇرىنعى كارانتينگە دەيىنگى رەجيمگە ورالۋ. ۇجىمدىق يممۋنيتەتتىڭ ۇلەسى ` دان اسۋى كەرەك.