نۇر-سۇلتاندا جول ەرەجەسىن ورەسكەل بۇزعان كولىك يەسى ۇستالدى - ۆيدەو
قالالىق پوليتسيا دەپارتامەنتى وقيعاعا قاتىستى پىكىر ءبىلدىردى.
جول ەرەجەسىن بۇزعان جۇرگىزۋشىنىڭ ۆيدەوسى Instagram-دا تارادى. ۆيدەو اۆتورى Lada Largus جۇرگىزۋشىسىنىڭ ارەكەتىنە شاعىمدانعان.
«شاماسى ءبىر جەرگە اسىققان. بارىنە سيگنال بەرىپ، جولىن كەسىپ، قاۋىپتى مانيەۆر جاسادى»، - دەپ ءبولىستى ۆيدەو اۆتورى.
كادرلاردان كولىك جۇرگىزۋشىسى جاس جىگىت ەكەنىن، سالوندا قاتتى مۋزىكا ويناپ تۇرعانىن كورۋگە بولادى. كولىكتە 777MVD مەملەكەتتىك ءنومىرى بولعان. ال، كەلەسى ۆيدەودا جۇرگىزۋشى جول-كولىك وقيعاسىنا ۇشىراعانى تۇسىرىلگەن.
«7-تامىزدا ساعات 20.10-دا قارقارالى تاسجولىندا باعدارشامدا Lada Largus ماركالى اۆتوكولىگىنىڭ جۇرگىزۋشىسى Lada Xray اۆتوكولىگىمەن سوقتىعىسقان. كۋاگەرلەردىڭ ايتۋىنشا، Lada Largus جۇرگىزۋشىسى جول ەرەجەسىن ورەسكەل بۇزىپ، توتەنشە جاعداي جاساعان. سونىمەن قاتار، ول كولىكتى دۇرىس باسقارماعان. وقيعا ورنىنا پاترۋلدىك پوليتسيا ەكيپاجى كەلدى. قۇجاتتاردى تەكسەرۋ كەزىندە كولىك سالونىنان ىشىمدىك ءيىسى شىعىپ تۇرعان. مەديتسينالىق ساراپتاما ناتيجەلەرى بويىنشا جۇرگىزۋشى ماس كۇيدە بولعانى انىقتالدى. سونىمەن قاتار، ول كولىك باسقارۋ قۇقىعىنان ايىرىلعانىنا قاراماستان، تىزگىنگە وتىرعانى انىقتالدى»، - دەدى پوليتسيا دەپارتامەنتىندەگىلەر.
27 جاستاعى جۇرگىزۋشىگە قاتىستى ق ر ق ك-نىڭ 346-بابى 2-بولىگى «كولىك قۇرالدارىن باسقارۋ قۇقىعىنان ايىرىلعان جانە الكوگولدىك ماساڭ كۇيدەگى ادامنىڭ باسقارۋ» بويىنشا قىلمىستىق ءىس قوزعالدى. پوليتسيا قىزمەتكەرلەرى ەر ادامدى ۇستادى. اۆتوكولىك كوممۋنالدىق تۇراققا قويىلعان.