تۇركيا باۋىرلاس قازاق ەلىنە العىس ايتتى

نۇر-سۇلتان. قازاقپارات - تۇركيا باۋىرلاس قازاق ەلىنە العىس ايتتى، دەپ حابارلايدى قازاقپارات.

تۇركيا رەسپۋبليكاسىنىڭ سىرتقى ىستەر مينيسترلىگى ورمان ءورتىن سوندىرۋگە جولداعان كومەگى ءۇشىن قازاقستان رەسپۋبليكاسىنا ريزاشىلىعىن جەتكىزدى.

«قازاق باۋىرلارىمىزعا تىلەكتەستىك پەن قولداۋ ءۇشىن العىسىمىزدى بىلدىرەمىز» دەپ جازدى ەلدىڭ سىرتقى ساياسي ۆەدومستۆوسى Twitter پاراقشاسىندا قازاق جانە تۇرىك تىلدەرىندە.

ەسكە سالا كەتەيىك، 7-تامىز كۇنى قازاقستان تۇركياعا ءورت سوندىرەتىن ەكى ارنايى تىكۇشاق پەن 16 قۇتقارۋشىنى جىبەرگەن بولاتىن.

«قازاقستان پرەزيدەنتى قاسىم-جومارت توقايەۆتىڭ تاپسىرماسى بويىنشا ق ر توتەنشە جاعدايلار مينيسترلىگى سۋاعار قۇرىلعىلارى بار «قاز اۆياقۇتقارۋ» ا ق مي-8 ا م ت ەكى تىكۇشاعىن جانە قۇرامىندا 16 قۇتقارۋشى بار جەدەل توبىن ورمان ءورتىن سوندىرۋگە كومەك كورسەتۋ ءۇشىن تۇركيا رەسپۋبليكاسىنا جىبەردى»، - دەدى تالعات ءۋالي.

قازاقستاندىق تىكۇشاقتار سەنبى كۇنى ۇشىپ شىقتى جانە ءۇش مەملەكەتتە ايالداپ، ولاردىڭ شەكاراسى ارقىلى تۇركيانىڭ مۇعلا قالاسىنا جەتەدى.

ايتا كەتەيىك، تۇركيادا ورمان ءورتىن ءسوندىرۋ ءالى كۇنگە دەيىن جالعاسىپ جاتىر.