قارا تەڭىزدە گرەكيانىڭ تۋىمەن جۇرگەن تانكەردەن مۇناي توگىلدى

نۇر- سۇلتان. قازاقپارات - قارا تەڭىزدە Minerva Symphony تانكەرىنەن مۇناي توگىلدى. وقيعا 7 تامىزدا رەسەيدىڭ كراسنودار ولكەسىندە «كاسپي قۇبىر كونسورسيۋمى» تەرمينالىندا مۇناي تيەۋ كەزىندە بولعان، دەپ حابارلايدى قازاقپارات ر ب ك- عا سىلتەمە جاساپ.

مۇناي قۇياتىن قۇرىلعىسى بار تەرمينال وڭتۇستىك وزەرەيەۆكا كەنتىندەگى ايلاقتىڭ ماڭىندا، جاعادان 600 مەتر جەردە ورنالاسقان. شىعىن كولەمى تۋرالى اقپارات جوق. اكۆاتوريانىڭ لاستانۋ اۋدانى - 200 شارشى مەتر. Minerva Symphony تانكەرى پيرەي پورتىنا تيەسىلى جانە گرەكيانىڭ تۋىمەن جۇرەدى.

رەسەيدىڭ تەڭىز جانە وزەن كولىگى اگەنتتىگىنىڭ مالىمدەۋىنشە، مۇنايدىڭ جاعالاۋ ايماعىنان تىس جەرگە - ودان شامامان 6 شاقىرىم جەرگە توگىلگەن. قازىرگى كەزدە مۇناي توگىلگەن ماڭعا جۇزەتىن بوگەتتەر قويىلدى. كاسپي قۇبىر كونسورتسيۋمى لاستانعان جەردى ءوزى تازالاماق. اتاپ ايتقاندا، جەدەل شتاب قۇرىلىپ، اپاتتىق- قۇتقارۋ بولىمشەلەرىن جۇمىلدىرىلعان.