مەن ءۇشىن التىننان كەم ەمەس: ديماش قۇدايبەرگەن وليمپيادا جەڭىمپازدارىن قۇتتىقتادى

نۇر- سۇلتان. قازاقپارات - تانىمال ءانشى ديماش قۇدايبەرگەن توكيو وليمپياداسىندا جۇلدە العان قازاقستاندىق سپورتشىلاردى جەڭىسىمەن قۇتتىقتادى، دەپ حابارلايدى قازاقپارات.

«جەڭىستەرىڭىز ءۇشىن ۇلكەن راحمەت، باۋىرلار! ەلدىڭ نامىسى ءۇشىن تىرىسىپ، ەڭبەكپەن اكەلگەن قولا جۇلدەلەرىڭىز، مەن ءۇشىن التىننان كەم ەمەس! اللا قالاسا بۇدان دا ۇلكەن شىڭداردى باعىندىرۋعا ءناسىپ ەتسىن!»، - دەپ جازدى د. قۇدايبەرگەن Instagram پاراقشاسىندا.

بۇعان دەيىن توكيو -2020 جازعى وليمپيادا ويىندارىنا شولۋ جاساعان بولاتىنبىز. اتالعان باسەكەدە قازاقستان اتىنان 97 سپورتشى باسەكەنىڭ 28 تۇرىنەن باق سىنادى. ناتيجەسىندە ەل قۇراماسى 8 قولا مەدالمەن 83- ورىنعا تۇراقتادى.