نۇرلان ايمانوۆ: ۆاكتسيناتسيا پاسپورتىن ساتىپ العاندار - جانساقتاۋ بولىمشەسىنە بيلەت العاندار
س ق و دەنساۋلىق ساقتاۋ باسقارماسى باسشىسىنىڭ ورىنباسارى نۇرلان ايمانوۆتىڭ ايتۋىنشا، وڭىردە ۆاكسيناتسيا پاسپورتىن ساتۋ دەرەگى تىركەلمەگەن.
«بۇل ماسەلە ءبىزدىڭ قۇزىرىمىزعا جاتپايدى. ونىمەن قۇقىق قورعاۋ ورگاندارى اينالىسادى. دەسەك تە وبلىستا ۆاكسيناتسيا پاسپورتىن ساتۋ دەرەگى تىركەلگەن جوق. ءبىز دە ءوز تاراپىمىزدان قاتاڭ باقىلاۋعا الدىق. انىقتالعان جاعدايدا قاتاڭ جازالاپ، جۇمىستان شىعارۋعا دەيىن بارامىز. ساتۋشى جاق بار دا، ساتىپ الۋشى جاق بار. ۆاكسيناتسيا پاسپورتىن ساتىپ العاندارعا ايتارىم، سىزدەر جانساقتاۋ بولىمشەسىنە بيلەت الدىڭىزدار»، - دەيدى نۇرلان ايمانوۆ.
س ق و سانيتاريالىق- ەپيدەميولوگيالىق باقىلاۋ دەپارتامەنتىنىڭ مالىمەتىنشە، وڭىردە 200749 ادام ۆاكسينانىڭ ءبىرىنشى كومپونەنتىمەن ەگىلگەن، تولىق ۆاكتسيناتسيا كۋرسىنان 157803 ادام ءوتتى.
«س ق و- دا ۆاكسينا العانداردىڭ 695 ءى كوروناۆيرۋس جۇقتىردى. ولاردىڭ 359 ى پرەپاراتتىڭ ءبىرىنشى كومپونەنتىن السا، اۋىرعانداردىڭ 336 سى تولىق ەكپە العاندار»، - دەيدى س ق و سانيتاريالىق- ەپيدەميولوگيالىق باقىلاۋ دەپارتامەنتىنىڭ ينفەكتسيالىق جانە پارازيتتىك اۋرۋلاردى ەپيدەميولوگيالىق باقىلاۋ ءبولىمىنىڭ باسشىسى مەرۋەرت اتامبايەۆا.
بۇعان دەيىن وڭىردە كوروناۆيرۋسپەن اۋىرعانداردىڭ 4,5 ەسە وسكەنىن ايتقان ەدىك.