يراندا قازاق بالاسى تابىسقا جەتتى
رەسەيدىڭ حاكاسيا رەپۋبليكاسىندا قىلمىسكەر ءبىر وتباسىنىڭ بەس ادامىن پىشاقتاپ ءولتىردى
اباكان. قازاقپارات- تاسس - رەسەيدىڭ حاكاسيا رەپۋبليكاسىنداعى شيرين اۋدانىندا قاراستى جيريم اۋىلىندا ءبىر وتباسىنىڭ بەس ادامىن قىلمىسكەر پىشاقتاپ ءولتىردى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
«حاكاسيا رەسپۋبليكاسىنداعى شيرين اۋدانىنىڭ جيريم اۋىلىندا ءبىر وتباسىنداعى بەس ادامنىڭ ولتىرىلگەنى تۋرالى اقپارات كەلىپ ءتۇستى. وقيعا ورنىندا، جەر ءۇي اۋماعىندا ايەلدىڭ، ونىڭ كۇيەۋىنىڭ، ۇلى، كىشكەنتاي نەمەرە قىزى جانە كۇيەۋىنىڭ اعاسىنىڭ دەنەسى تابىلدى. بارلىعىنا جاراقات سالىنعان. ر ف قىلمىستىق كودەكسىنىڭ 105-بابىمەن (ەكى نە ودان دا كوپ ادامدى جانە كىشكەنتاي بالانى ءولتىرۋ) قىلمىستىق ءىس قوزعالدى. اتالعان قىلمىستى جاسادى دەگەن كۇدىككە ىلىنگەن شيرين اۋدانىنىڭ بۇرىن اسا اۋىر قىلمىس جاساعانى ءۇشىن سوتتالعان 1985 -جىلعى تۇرعىنى ۇستالدى»، - دەپ حابارلادى تەرگەۋ كوميتەتىنەن.
قازىرگى كەزدە قىلمىس بولعان جەردە تەرگەۋشىلەرى، كريميناليستەر، جەدەل قىزمەتكەرلەر جانە ساراپشىلاردان قۇرالعان تەرگەۋ- جەدەل توبى جۇمىس ىستەپ جاتىر. ولار قانقۇيلى قىلمىستىڭ بارلىق ءمان- جايىن انىقتاۋعا باعىتتالعان كەشەندى تەرگەۋ شاراسىن جۇرگىزەدى.
اۆتور: زارينا تۋعانبايەۆا