بۇگىن ءبىر بالۋان جەڭىلىپ، ەندى ءبىرى شيرەك فينالعا شىقتى
اسا اۋىر سالماق بويىنشا سىنعا تۇسكەن ول العاشقى اينالىمدا گەرمانيالىق گەننادي چۋدينوۆيچتەن جەڭىلدى. وتانداسىمىز يۋسۋپ باتىرمۋرزايەۆ ءادىس جاساپ، 8 ۇپاي ەنشىلەدى. الايدا، گەرمانيالىق گەننادي چۋدينوۆيچ قارسى ادىسپەن تازا جەڭىسكە جەتىپ، ۋاقىتىنان بۇرىن قازاقستاندىق بالۋاندى ۇتتى.
ايتا كەتەرلىگى، كۇرەس ەرەجەسى بويىنشا گەننادي چۋدينوۆيچ (گەرمانيا) فينالعا شىققان جاعدايدا، قازاقستاندىق يۋسۋپ باتىرمۋرزايەۆ جۇبانىش بەلدەسۋىندە كۇرەسۋگە مۇمكىندىك الادى.
ەركىن كۇرەستەن دانيار قايسانوۆ وليمپيادا ويىندارىن جەڭىسپەن باستادى، دەپ حابارلايدى قازاقپارات Olympic.kz-كە سىلتەمە جاساپ.
74 كەلىگە دەيىنگى سالماق دارەجەسىندە ول 1/8 فينالدا جاپونيالىق وتوگۋرو كەيسۋكەمەن كەزدەستى. تارتىستى بەلدەسۋ قازاقستاندىق بالۋان دانيار قايسانوۆتىڭ جەڭىسىمەن اياقتالدى. وليمپيادا ويىندارىنىڭ شيرەك فينالىندا دانيار قايسانوۆ مىسىرلىق امر رەدا حۋسسەنمەن كەزدەسەدى.
فوتو: ءسالي سابىروۆ، قازاقستان ۇ و ك