قاسىم- جومارت توقايەۆ پرەمەر- مينيستر مەن «سامۇرىق- قازىنا» ءتوراعاسىن قابىلدادى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ پرەمەر- مينيستر اسقار مامين مەن «سامۇرىق- قازىنا» اكسيونەرلىك قوعامىنىڭ باسقارما ءتوراعاسى الماسادام ساتقاليەۆتى قابىلدادى.

قازاقپارات بۇل تۋرالى اقورداعا سىلتەمە جاساپ حابارلايدى. پرەزيدەنتكە قازاقستان حالقىنىڭ تۇرمىس ساپاسىن ارتتىرۋعا، ەكولوگيالىق جاعدايدى جاقسارتۋعا، جاڭا جۇمىس ورىندارىن اشۋعا باعىتتالعان ماڭىزدى ينۆەستيتسيالىق جوبالاردىڭ ىسكە اسىرىلۋى تۋرالى اقپارات بەرىلدى.

ۇسىنىلعان جوبالار باتىس قازاقستان وبلىسىن سۋمەن، وڭىرلەردى گازبەن قامتاماسىز ەتۋ، ەنەرگەتيكا نىساندارىنىڭ، ونىڭ ىشىندە الماتى قالاسىنداعى قۋات تورابىنىڭ قۇرىلىسى، سونداي- اق، ەلىمىزدەگى كولىك ءدالىزىنىڭ الەۋەتىن دامىتۋ سالالارىنداعى نەگىزگى ماسەلەلەردى شەشۋدى كوزدەيدى. كەزدەسۋ قورىتىندىسى بويىنشا اتالعان ينفراقۇرىلىمدىق جوبالاردى ىسكە اسىرۋعا قاتىستى تاپسىرمالار بەرىلدى.