وبلىس اكىمى دانيال احمەتوۆ يممۋندىق پلازما دونورى بولدى

وسكەمەن. قازاقپارات - شىعىس قازاقستان وبلىسىنىڭ اكىمى دانيال احمەتوۆ يممۋندىق پلازما دونورى بولدى، دەپ حابارلايدى قازاقپارات ءتىلشىسى.

بۇل جايلى ايماق باسشىسى Facebook جەلىسىندەگى جەكە پاراقشاسىندا جازدى.

بارلىق قاجەتتى تالداۋلاردان وتكەننەن كەيىن پلازما دونورى بولدىم. قان ورتالىعى دارىگەرلەرىنىڭ قاداعالاۋىمەن 600 ميلليليتر پلازما تاپسىردىم. ورتالىق ماماندارىنىڭ جوعارى كاسىبيلىگىنىڭ ارقاسىندا پروتسەدۋرا جاعىمسىز اسەرلەرسىز ءارى جەڭىل ءوتتى.

مەنى بۇل قادامعا نە يتەرمەلەدى؟ دارىگەرلەردىڭ ايتۋىنشا، بۇگىندە بۇل يممۋندىق پلازما COVID-19 ينفەكسياسىنىڭ اۋىر تۇرىمەن سىرقاتتانعان ناۋقاستاردى ەمدەۋدىڭ ءتيىمدى قۇرالى رەتىندە دالەلدەنگەن. تەك وسى اپتادا وڭىردە 234 دوزا دايىندالعان. دونور بولعىسى كەلەتىندەر سانى ۋاقىت وتكەن سايىن كوبەيىپ كەلەدى.

«ءبىزدىڭ وبلىس - پلازما بانكىن قۇرعان ءبىرىنشى ايماق. قانىمداعى انتيدەنەلەر ءتيترى وتە جوعارى ەكەن. سوندىقتان، مەن بۇگىن تاپسىرعان پلازما دوزاسى اۋىر حالدە جاتقان ءۇش ناۋقاسقا كومەكتەسە الادى. قۇرمەتتى شىعىسقازاقستاندىقتار، ءبىز بىرىككەندە عانا كوروناۆيرۋس ينفەكسياسىنىڭ تارالۋىن توقتاتا الامىز جانە قازىر جاعدايى وتە قيىن جاقىندارىمىزعا كومەكتەسە الاتىنىمىزعا سەنىمدىمىن. دەنساۋلىقتارىڭىزدىڭ مىقتى بولۋىن جانە اۋىرماۋلارىڭىزدى تىلەيمىن!»، - دەپ جازدى وبلىس اكىمى.

اۆتور: تالعاتجان مۇحامەتبەك ۇلى