اتوم كولگە ساپار
18:49, 28 - شىلدە 2021
نۇر-سۇلتان.قازاقپارات - ساپارلاپ، سەمەيدەن 100 شاقىرىمداي جەردەگى اتوم كولگە ات باسىن تىرەدىك.
كول جاساندى. 1965 -جىلى شاعان وزەنىنىڭ جاعاسىنداعى جويقىن جارىلىستىڭ سالدارىنان پايدا بولعان. سىناق جۇرگىزگەندەر حالىققا اۋىلشارۋاشىلىق ماقساتىندا كول جاسايمىز دەپ جالعان اقپارات بەرگەن.
جارىلىس قۋاتى جاپونيانىڭ حيروسيماسىنا تاستالعان اتوم بومباسىنان 9 ەسە كوپ دەسەدى.
ءدۇمپۋدىڭ قاتتى بولعانى سونداي، توننا تارتاتىن تاستاردى 8-9 شاقىرىمعا دەيىن ۇشىرعان.
ءبىز راديتسيا بار- اۋ دەپ ۇرەيلەنىپ بارساق، بالىقشىلار اتوم كولگە قارماق سالىپ ءجۇر.
اسىرەسە سازان كوپ دەسەدى. كولدىڭ ديامەترى 500 مەتر، تەرەڭدىگى 90 مەتر.
egemen.kz