ەلوردادا ءبىر كۇندە ەكى بالا تەرەزەدەن قۇلاپ كەتتى

20 -شىلدە كۇنى پوليتسياعا كوپتەگەن جاراقات العان 2 جاسار ءسابيدىڭ قالالىق بالالار اۋرۋحاناسىنا تۇسكەنى تۋرالى حابار كەلگەن.

كۇندىزگى ۋاقىتتا بالانىڭ اناسى قىزىن ۇيدە جالعىز تاستاپ، دۇكەنگە شىعىپ كەتكەنى انىقتالدى. اشىق قالعان تەرەزەنىڭ الدىنا تىرمىسىپ شىققان بالا موسكيت تورىنا تىرەلىپ، سودان كەيىن 4 قاباتتىڭ تەرەزەسىنەن قۇلاپ كەتكەن. ءدال سول كۇنى 1-قاباتتىڭ بالكونىنان 4 جاسار بالا قۇلاپ كەتكەن. ابىروي بولعاندا، بالا اۋىر جاراقاتتار الماعان. پاتەردە ءبۇلدىرشىن ۇلكەندەرمەن بىرگە بولعان. ونىڭ اتا- اناسى اس ۇيدە تاماق ءىشىپ جاتقاندا، بالا كەلەسى بولمەدە ويناپ وتىرعان. پوليتسيادا اتاپ وتكەندەي، جىل باسىنان بەرى ەلوردادا كوپ قاباتتى ۇيلەردىڭ تەرەزەسىنەن 13 بالا قۇلاپ كەتكەن، بىرەۋى كوز جۇمعان.