- ادامزات ءار ىندەت پەن ولىمگە اكەلەتىن اۋرۋلارعا ءار ءتۇرلى توتەپ بەردى جانە ۆاكسينالار مەن ءدارى- دارمەكتەر ويلاپ تاپتى. ال قازىرگى ۆاكسينالار قانشالىقتى ءتيىمدى؟
- قازىر بارلىق ۆاكسينالار ءتيىمدى. سونىڭ ىشىندە ك ۆ ي ۆاكسينالارى. الەمدە شەشەك، وبا سياقتى اۋرۋلار بولعان كەزدە، كوپتەگەن ادامدار ۆاكسينانىڭ تيىمدىلىگىنە سەنبەدى. الايدا ۋاقىت وتە كەلە ول ەكپەلەر ادامزاتقا كومەكتەسە الاتىندىعىنا كوز جەتكىزدىك. بارلىق نانىم- سەنىمدەرگە قاراماستان، ادامزات ۆاكسينا ارقىلى شەشەك، وبا پاندەمياسىن جەڭدى.
- كوپشىلىكتى ۆاكسينانى ويلاپ تابۋ جانە ونى وندىرۋگە از ۋاقىت كەتكەنى الاڭداتادى. ءسىز ۆاكسينالاردىڭ اسەرىن كورىپ وتىرسىز با؟
- ماسكەۋ بىردەن سالىنباعان، سوندىقتان بۇل جاعدايدا ۆاكسينا بىردەن ويلاپ تابىلعان جوق. ۆاكسينالاردى جاساۋشىلار وتە تاجىريبەلى ادامدار. بۇل كوپ ۋاقىتتى قاجەت ەتەدى. بارىنە بەلگىلى، كوروناۆيرۋستىق ينفەكسيا بۇرىننان بار. ۆاكسينانىڭ اسەرى ايقىن، ۆاكسيناتسيالانعان حالىق اراسىندا كوروناۆيرۋستان كوز جۇمعاندار ازايا ءتۇستى.
- ۆاكسينالار اراسىندا قانداي ايىرماشىلىق بار؟ ءوندىرۋشى ەل قۇرامى مەن سەنىمدىلىگىنە اسەر ەتە مە؟
- بارلىق ۆاكسينالار بىردەي. ولاردى اجىراتاتىن جالعىز نارسە - ۆاكسينانى جاساۋ جۇيەسى جانە ءوندىرۋشى ەل.
- ۆاكسيناتسيا باستالعاندا ونى بالالار مەن قارتتار، جۇكتى ايەلدەر قابىلداۋعا بولمايتىنى ايتىلدى. ال قازىر بارلىعى ۆاكسيناتسيالانۋدا. بۇل قاۋىپتى ەمەس پە؟
- 18 جاسقا تولماعان بالالارعا ءبىز ەكپە جاسامايمىز. ەگدە جاستاعى ادامدار قاۋىپ توبىنا جاتادى، سوندىقتان ەگەر ولاردا قارسى كورسەتىلىم بولماسا، ءبىز ۆاكسيناتسيالايمىز.
- قانداي جاناما اسەرلەر بولۋى مۇمكىن؟ ۆاكسينا اعزاعا اسەر ەتە مە؟
- جاناما اسەرلەر بولۋى مۇمكىن: دەنە ىستىعى كوتەرىلۋ، ينەكسيا ورنىنداعى اۋىرسىنۋ نەمەسە السىزدىك. ءبىراق اسقىنۋعا كەلەتىن بولساق، ۆاكسينادان كەيىن مۇنداي جاعدايلار تىركەلگەن جوق
- ۆاكسيناتسياعا قارسى كورسەتىلىمدەر قانداي؟
- ۆاكسينا جۇكتى جانە بالا ەمىزەتىن ايەلدەرگە، ءدارى-دارمەكتەر مەن پرەپاراتتارعا اللەرگياسى بار ناۋقاستارعا، 18 جاسقا تولماعان بالالارعا سالىنبايدى. ك ۆ ي- مەن اۋىرعان ادامدار ۆاكسينانى ساۋىققان ساتتەن باستاپ 3 ايدان كەيىن الا الادى. سوزىلمالى اۋرۋلارى بار ناۋقاستار، ەسەپتە تۇرعان ادامدار، ەگەر اۋرۋ ءورشۋ ساتىسىندا بولسا، وندا بۇل ادامدارعا دا قارسى كورسەتىلگەن.
- ال سوزىلمالى اۋرۋلارى بار جانە ۆاكسيناتسياعا قارسى كورسەتىلىمدەرى بار ادامدار نە ىستەۋى كەرەك؟ ولارعا ءوزىن كوروناۆيرۋس جۇقتىرۋدان قالاي ساقتاندىرۋى ءتيىس؟
- بارلىق سانيتارلىق نورمالاردى ساقتاۋ: كوپ ادام جينالاتىن ورىندارعا بارماۋ، بەتپەردە كيۋ، 1.5-2 مەتر الەۋمەتتىك قاشىقتىقتى ساقتاۋ، قولدى انتيسەپتيكپەن وڭدەۋ. سالاۋاتتى ءومىر سالتىن ۇستانۋ: ءنارلى جانە پايدالى تاماقتانۋ، دۇرىس ۇيقى، سۋدى كوپ ءىشۋ.
اۆتور: اگاتا مۇحامەدجانوۆا