ۆاكسينا الماعان قىزمەتكەرلەر اپتاسىنا ەكى رەت پ ت ر تەست تاپسىراتىن بولادى

مۇنداي قادام كوروناۆيرۋستىڭ ءۇشىنشى تولقىنى الدىندا جاسالعان ساقتىق شارالارى بولماق.

17- شىلدەدە يوردانيانىڭ پرەمەر-ءمينيسترى بيشەر حاساۋنە 32№ قورعانىس بۇيرىعىنا قول قويدى، ول ءالى COVID-19 ۆاكسيناسىن الماعان ادامدار ءۇشىن جاعدايدى قاتاڭداتادى.

جاڭا ەرەجەلەرگە سايكەس، ۆاكسينانىڭ ەكى دوزاسىن الماعان مەملەكەتتىك سەكتورداعى كاسىپورىندار مەن مەكەمەلەردىڭ قىزمەتكەرلەرى اپتاسىنا ەكى رەت - جەكسەنبى جانە بەيسەنبى كۇندەرى باسشىلىققا 72 ساعات بۇرىن جاسالعان پ ت ر تەستىنىڭ تەرىس ناتيجەسىن تاپسىرۋلارى ءتيىس.

ەستەرىڭىزگە سالا كەتەيىك، ءبىرقاتار اراب ەلدەرىندە اپتانىڭ ءبىرىنشى جۇمىس كۇنى - جەكسەنبى، ال سوڭعىسى - بەيسەنبىگە كەلەدى.

بۇيرىقتا كورسەتىلگەندەي، وسى تالاپتاردى ساقتاماعانى ءۇشىن 100 دەن 500 گە دەيىن يوردان دينارى (60200 دەن 301100 تەڭگە ارالىعىندا) مولشەرىندە ايىپپۇل سالىنادى.

ەنگىزىلگەن ەرەجەلەر 5- تامىزدان باستاپ كۇشىنە ەنەدى، ال 15- تامىزدان باستاپ اكىمشىلىك قىزمەتكەرلەر مەن ءبىلىم بەرۋ مەكەمەلەرىنىڭ وقىتۋشىلارىنا، سونداي-اق ج و و ستۋدەنتتەرىنە قاتىستى وسىنداي تالاپتار ەنگىزىلمەك.

بۇيرىققا سايكەس، پ ت ر- تەستىلەۋدى يوردانيانىڭ دەنساۋلىق ساقتاۋ مينيسترلىگىنىڭ ارنايى ورتالىقتارىندا تەگىن الۋعا بولادى.