«ەرتەڭ بۇكىل مۇسىلمان قاۋىمى ءۇشىن قاسيەتتى قۇربان ايت مەرەكەسى باستالادى. ەلدە كۇردەلى احۋال قالىپتاسىپ وتىر. سوندىقتان ءبىز جۇرتتىڭ قۇرباندىق شالاتىن جەرلەردە جاپپاي جينالۋىن بولدىرماۋىمىز كەرەك. جاعدايدى ودان بەتەر ۋشىقتىرىپ الۋىمىز مۇمكىن. ۇكىمەت پەن اكىمدەر وسى ماسەلەنى ەرەكشە باقىلاۋدا ۇستاۋعا ءتيىس. قۇربان ايتتا ينفەكسيالىق قاۋىپسىزدىكتى بارىنشا قامتاماسىز ەتۋ قاجەت»، - دەدى قاسىم-جومارت توقايەۆ ەلىمىزدەگى ەپيدەميولوگيالىق احۋال جونىندەگى كەڭەستە.
ايتا كەتەيىك ، پرەزيدەنتتىڭ قاتىسۋىمەن ەلىمىزدەگى كوروناۆيرۋس ىندەتىنە بايلانىستى ەپيدەميولوگيالىق احۋال جونىندە كەڭەس ءوتىپ جاتىر.