«بىرنەشە ايدىڭ ىشىندە جاڭا ينفەكسيالىق اۋرۋحانالار سالىندى، قاجەتتى قۇرال-جابدىق ساتىپ الىندى، ءدارى-دارمەك قورى جاساقتالدى. مەديتسينا قىزمەتكەرلەرىن دە وقىتتىق. ەندى، وسىنىڭ ءبارىن دۇرىس ءارى ءتيىمدى پايدالانۋ كەرەك. بىلتىرعى جازدا بولعان جاعدايدىڭ قايتالانۋىنا جول بەرۋگە بولمايدى. دەنساۋلىق ساقتاۋ جۇيەسىنىڭ ءبىر قالىپتى جۇمىس ىستەۋىن قامتاماسىز ەتۋ قاجەت. وكىنىشكە قاراي، وسى ماسەلەدە ولقىلىقتار بار. مەنىڭ تاپسىرمام بويىنشا وڭىردەگى دەنساۋلىق ساقتاۋ نىساندارى تەكسەرىلدى. ونىڭ ناتيجەسى كوڭىل كونشىتپەيدى. جاڭادان سالىنعان ءمودۋلدى جۇقپالى اۋرۋلار ورتالىقتارى عانا ستاندارتتارعا ساي كەلەدى»، - دەدى پرەزيدەنت.
ايتا كەتەيىك، پرەزيدەنتتىڭ قاتىسۋىمەن ەلىمىزدەگى كوروناۆيرۋس ىندەتىنە بايلانىستى ەپيدەميولوگيالىق احۋال جونىندە كەڭەس ءوتىپ جاتىر.