نۇر-سۇلتاندا پ ت ر زەرتحانالارىنىڭ كولەمى ارتتى

زەرتحانالاردىڭ قۋاتتىلىعى تاۋلىگىنە 13 مىڭنان استام زەرتتەۋدى قۇرايدى. بۇگىنگى تاڭدا 1,7 ميلليوننان استام زەرتتەۋ جۇرگىزىلدى، دەپ حابارلايدى قالا اكىمدىگىنىڭ رەسمي سايتى.

رەزەرۆتەردىڭ ارقاسىندا قوسىمشا ينفەكسيالىق توسەكتەر ۇيىمداستىرىلدى، بۇل توسەك جۇكتەمەسىنىڭ ازايۋىنا مۇمكىندىك بەردى. ەگەر ماۋسىم ايىنىڭ سوڭىندا كوۆيدتىك توسەك- ورىن قۋاتى 14 ينفەكسيالىق ستاتسيونار بويىنشا 2 مىڭ توسەكتەن ءسال ارتىق بولسا، بۇگىنگى كۇنى ينفەكتسيالىق توسەكتەر سانى 3,5 مىڭعا دەيىن ۇلعايدى.

ەستەرىڭىزگە سالا كەتەيىك، قازىر قالا بويىنشا COVID-19 ۆيرۋسىمەن كۇرەسۋ ءۇشىن 15 ستاتسيونار جانە 6 مىڭنان استام مەديتسينا قىزمەتكەرى جۇمىلدىرىلدى. سونداي-اق، حالىقتى ك ۆ ي- گە قارسى ۆاكتسيناتسيالاۋدىڭ وڭ ديناميكاسى بايقالادى. قوعامدىق دەنساۋلىق ساقتاۋ باسقارماسىنىڭ دەرەكتەرى بويىنشا تاۋلىگىنە ورتاشا ەسەپپەن 6 دان 8 مىڭعا دەيىن ادام ەگىلەدى. «وسى اپتانىڭ باسىنان بەرى قالا بويىنشا 27 مىڭ ازامات ۆاكسيناتسيامەن قامتىلدى. ەكپە العاندار سانى كۇنىنە 8 مىڭ ادامعا جەتەدى. بۇگىنگى تاڭدا ءبىرىنشى كومپونەنتپەن 308 مىڭنان استام ازامات ۆاكسيناتسيالاندى. بۇل ۆاكتسيناتسيانىڭ ءوسىپ كەلە جاتقان قارقىنىن، ادامداردىڭ سانالى تۇردە دەنساۋلىعىنا جاۋاپكەرشىلىكپەن قاراۋىن بىلدىرەدى»، - دەپ اتاپ ءوتتى قالالىق دەنساۋلىق ساقتاۋ باسقارماسى.

سونداي-اق، موبيلدى توپتار ەڭبەك ۇجىمدارىن ۆاكسيناتسيالاۋدى جالعاستىرۋدا. تەك ۆاكسيناتسيا عانا ءوز دەنساۋلىعىڭىزدى، جاقىندارىڭىز بەن اينالاڭىزداعى جانداردىڭ دەنساۋلىعىن قورعاۋعا مۇمكىندىك بەرەدى.