«تۇرعىندار اراسىندا COVID-19 اۋرۋىنىڭ جوعارى دەڭگەيىن ەسكەرە وتىرىپ، مەن نۇر- سۇلتان قالاسىندا قۇربان ايتتى مەرەكەلەۋ كۇندەرىندەگى شەكتەۋ شارالارى تۋرالى» قاۋلىعا قول قويدىم. قۇرباندىق شالۋ ءراسىمىن ونلاين وتكىزۋ (qurban2021.kz سايتى) بەلگىلەنىپ، كۇشەيتىلگەن سانيتاريالىق- ەپيدەمياعا قارسى، سانيتاريالىق- پروفيلاكتيكالىق ءىس- شارالاردى ساقتاي وتىرىپ، ادامداردىڭ جاپپاي جينالۋىن بولدىرماي، مىندەتتى تۇردە بەتپەردە كيۋ مەن الەۋمەتتىك قاشىقتىقتى ساقتاي وتىرىپ، ارنايى بولىنگەن ورىنداردا (ياعني، مال سويۋ پۋنكتتەرىندە) ۇيىمداستىرۋ جانە وتكىزۋ قاراستىرىلعان»، - دەدى سپيكەر نۇر- سۇلتان قالاسىنىڭ اكىمدىگىندەگى بريفينگتە.
مەشىتتەر اۋماعىندا اشىق اۋادا وتكىزىلەتىن ءىس- شارالاردى قوسا العاندا، بۇقارالىق ءىس- شارالاردى، ونىڭ ىشىندە «ايت نامازى» ۇجىمدىق نامازىن وتكىزۋگە، «قۇربان ايت» مەرەكەسىنە ارنالعان بۇقارالىق شارالاردى وتكىزۋگە جانە قاتىسۋعا، ونىڭ ىشىندە ۇيدە دە وتكىزۋگە تىيىم سالىنادى. سونىمەن بىرگە، قالا اۋماعىندا سانيتارلىق باقىلاۋ مەن قاداعالاۋ كۇشەيتىلەدى. قازىرگى ۋاقىتتا الىستان نەمەسە تۇتىنۋشى تاپسىرىسىمەن قۇرباندىق شالۋ الگوريتمى بارلىق سانيتارلىق تالاپتاردى ساقتاۋىن ەسكەرە وتىرىپ پىسىقتالۋدا.
«مال سويۋ ورىندارىندا سانيتارلىق تالاپتاردىڭ ساقتالۋىن سانيتارلىق جانە ۆەتەرينارلىق قىزمەت ماماندارى قامتاماسىز ەتەدى. بارلىق باسقا جەرلەردە مال ساتۋعا جانە جەكە سەكتورلاردا قۇرباندىق شالۋعا تىيىم سالىنادى. سونىمەن قاتار، ءبىز تۇرعىنداردى جاقىندارى مەن تۋىستارىنا ايتتاپ بارۋدان، كوپشىلىك جيىنداردان باس تارتۋعا شاقىرامىز. بۇل شارالار قالا تۇرعىندارى اراسىندا كوروناۆيرۋس ينفەكتسياسىن جۇقتىرۋ جانە تارالۋ ءقاۋپىن بولدىرماۋ ءۇشىن قابىلداندى. ءارقايسىڭىزدان كورسەتىلگەن شارالارعا تۇسىنىستىكپەن قاراپ، شىدامدىلىق تانىتۋدى سۇرايمىن»، - دەدى سارحات بەيسەنوۆا.
اۆتور: ايجان سەرىكجان قىزى