قىتايدىڭ وڭتۇستىگىندەگى گۋانشي- جۋانزۋ اۆتونوميا اۋدانىنىڭ (گ ج ا ا) ءبىرقاتار ەلدى مەكەنىندە جاڭا وقۋ جىلى قارساڭىندا وسىنداي شارالار قابىلدانباق، دەپ حابارلايدى قازاقپاراتتىڭ مەنشىكتى ءتىلشىسى. ق ح ر گ ج ا ا گۋيپين جانە پينليۋ قالالارىنىڭ اكىمشىلىگى ورتا جانە جوعارى مەكتەپ وقۋشىلارىنىڭ اتا- انالارىنا كوروناۆيرۋسقا قارسى ەكپەنى مۇمكىندىگىنشە تەزىرەك الۋ تالابى قويىلعان حابارلامانى جاريا ەتتى. كىمنىڭ اتا-اناسى ۆاكسينا سالدىرماسا، ول وقۋشىلارعا جاڭا وقۋ جىلىندا مەكتەپكە بارۋعا رۇقسات ەتىلمەيدى.
وسىعان ۇقساس تالاپتار جاڭا وقۋ جىلى قارساڭىندا حىنان جانە شانشي پروۆينسياسىنىڭ بىرنەشە ەلدى مەكەنىندە دە جاريالاندى. بۇعان دەيىن ق ح ر دەنساۋلىق ساقتاۋ ءىسى جونىندەگى مەملەكەتتىك كوميتەت حابارلاعانداي، وتكەن سەيسەنبى كۇنى قۇرلىقتىق قىتايدا جاڭا كورونۆيرۋس ينفەكسياسىنا قارسى ۆاكسينانىڭ 1,4 ميلليارد دوزاسى سالىنعان. وتكەن تاۋلىكتە قىتايدا COVID-19 جۇقتىرۋدىڭ 36 راستالعان جاڭا جاعدايى تىركەلدى، ونىڭ بارلىعى شەتەلدەن «اكەلىنگەن». سوڭعى رەسمي مالىمەتتەرگە سايكەس، قۇرلىقتىق قىتايدا كوروناۆيرۋسپەن اۋىرعان ناۋقاستاردىڭ %94,38 جازىلعان. 2019 -جىلدىڭ جەلتوقسان ايىنان باستاپ ەلدە كوروناۆيرۋسقا شالدىققانداردىڭ سانى 92 مىڭنان استى. ءولىم كورسەتكىشى - %5,32 (كوروناۆيرۋستان 4636 كوز جۇمعان).
اۆتور: اياۋلىم التىنبەك