وندا تاليبانشىلار اۋعانستان تۇرمەلەرىندەگى 7 مىڭ جاقتاسىن شىعارعان جاعدايدا، اتىستى ءۇش ايعا توقتاتاتىنىن مالىمدەدى، دەپ حابارلايدى قازاقپارات ءتىلشىسى The National News-كە سىلتەمە جاساپ.
بۇل ۇسىنىس تۋرالى بەيسەنبى كۇنى اۋعان كەلىسسوزگە قاتىسقان ۇكىمەتىنىڭ وكىلى نادەر نادەري حابارلادى.
«بۇل - ۇلكەن تالاپ»، - دەدى نادەري.
ونىڭ ايتۋىنشا، وعان قوسا، كوتەرىلىسشىلەر تاليبان كوشباسشىسىن ب ۇ ۇ- نىڭ قارا تىزىمىنەن الىس تاستاۋدى تالاپ ەتكەن. بۇل كەزدە تاليبتەر اۋعان پروۆينتسيالارىنا باسقىنشىلىق جاساپ، نەگىزگى مارشرۋتتار بويىنداعى قالالاردى، سونىمەن قاتار ساۋدا ءۇشىن اسا ماڭىزدى شەكارا وتكەلدەرىن باسىپ الۋدا.
جەرگىلىكتى تۇرعىنداردىڭ ايتۋىنشا، 13- شىلدە كۇنى ولار پاكىستانمەن شەكاراداعى سپين-بولداك-چامان شەكارا وتكەلىن باسىپ العان. دەگەنمەن بەيسەنبى كۇنى قابۋلدىڭ رەسمي وكىلدەرى ۇكىمەت اسكەرىنىڭ تاليبتەر ۋاقىتشا جاۋلاپ العان سپين-بولداك-چاماندى قايتادان ءوز باقىلاۋىنا العانىن مالىمدەدى، دەپ حابارلايدى Reuters.
قانداعار ءوڭىرى اكىمشىلىگىنىڭ شەنەۋنىگى تاليبان جاۋىنگەرلەرىنىڭ بۇل اۋدانداعى اۋعان قاۋىپسىزدىگى كۇشتەرىنەن اسىپ تۇسەتىنىن ەسكەرتەدى.
بۇل ورايدا، تاليباننىڭ رەسمي وكىلى زابيحۋللا مۋدجاحيد اۋعان ۇكىمەتى تاراتقان شەكارا وتكەلىن قايتا ءوز باقىلاۋىنا العانى تۋرالى اقپاراتتى جوققا شىعاردى.
«بۇل - قابۋل اكىمشىلىگىنىڭ ناسيحاتى مەن نەگىزسىز مالىمدەمەسى»، - دەدى تاليبان وكىلى.
ونىڭ ايتۋىنشا، تاليباندىق اسكەر ءالى كۇنگە دەيىن شەكارا وتكەلىن ۇستاپ تۇر. سول ارادا، ب ۇ ۇ- نىڭ بوسقىندار ىستەرى جونىندەگى جوعارى كوميسسار باسقارماسى (ب ج ك ب) اۋعانستانعا كەلە جاتقان گۋمانيتارلىق داعدارىس تۋرالى ەسكەرتتى.
ول، ءوز كەزەگىندە، بوسقىنداردىڭ جاپپاي كورشى ەلدەرگە قاشۋىنا اكەلۋى مۇمكىن. قازىرگى كەزدە ديپلوماتيالىق كۇشتەر قاتاردا ءوتىپ جاتقان كەلىسسوزدەردە اۋعان بيلىگى مەن تاليباندى اتىستى توقتاتۋعا يتەرمەلەۋگە جۇمىلدىرىلعان.
بۇگىن اۋعانستاننىڭ پرەزيدەنتى اشراف گاني تاشكەنتتە ءوتىپ جاتقان «ورتا ازيا ەلدەرى - ا ق ش» س5 1 فورماتىنداعى كەزدەسۋدە وڭىرلىك كوشباسشىلارمەن كەزدەسپەك.
ەسكە سالساق، اۋعانستانداعى جاعداي كۇردەلەنىپ اۋعانستاننىڭ قارۋلى اسكەريلەرى وزبەكستان مەن تاجىكستان اۋماعىنا ءوتىپ كەتكەن ەدى.
«تاليبان» قوزعالىسى اۋعانستانداعى كوپتەگەن جەرلەردى باسىپ الدى. سونداي-اق، تاجىكستان اۋعانستانمەن شەكارانى نىعايتۋ ءۇشىن 20 مىڭ ساربازدى اسكەرگە شاقىرماق. جانە تالىپتەردەن قاشقان ءبىر توپ اۋعانستاندىق تاجىكستان شەكاراسىنان ءوتىپ كەتتى.