حالىق ەڭ كوپ شاعىمداناتىن قىزمەت تۇرلەرى بەلگىلى بولدى

بۇل تۋرالى تۇتىنۋشىلاردىڭ قۇقىقتارىن قورعاۋ كوميتەتىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

كوميتەت ماماندارى تۇتىنۋشىلار اراسىندا كورسەتىلەتىن قىزمەتتەردىڭ ساپاسى بويىنشا جۇرگىزىلگەن الەۋمەتتىك ساۋالنامانىڭ قورىتىندىلارىن جاريالادى. 2020 -جىلعى شىلدە مەن قازان ارالىعىندا جۇرگەن ساۋالناما ساۋدا مەن قىزمەتتىڭ 20 سالاسىن قامتىعان. جاۋاپ بەرگەندەردىڭ %67 پايىزى تۇتىنۋشىلاردىڭ قۇقىعى سالىستىرمالى تۇردە قورعالادى دەگەن باعا بەرگەن. ال الەۋمەتتىك سالاداعى قىزمەت تۇرلەرىنىڭ ساپاسىنا شاعىم ايتۋشىلار كوپ.

«بۇل تىزىمدە مەديتسينالىق قىزمەتتەر «كوش باستاپ» تۇر. تۇتىنۋشىلاردىڭ %45,9 ى كورسەتىلەتىن قىزمەتتەردىڭ ساپاسىنا قاناعاتتانبايدى. سۇراقتارعا جاۋاپ بەرگەن تۇتىنۋشىلاردىڭ %43,2 ى تەمىرجول كولىگىنىڭ قىزمەتتەرىنە قاناعاتتانباعان. قالاارالىق نەمەسە حالىقارالىق اۆتوموبيل كولىگىنىڭ، ونىڭ ىشىندە تاكسيدىڭ قىزمەتتەرىنە تۇتىنۋشىلاردىڭ %42 ى قاناعاتتانباعان. ءبىلىم بەرۋ ورتالىقتارىنىڭ قىزمەتتەرىنە سۇرالعان تۇتىنۋشىلاردىڭ %41,6 قاناعاتتانباعان. ساپاسى سىنعا ۇشىرايتىن قىزمەتتەردىڭ بەستىگىن بايلانىس قىزمەتى تۇيىندەپ تۇر. ساۋالناماعا قاتىسقان تۇتىنۋشىلاردىڭ 35,9%- ى بايلانىس ساپاسى تالاپقا ساي ەمەس دەگەن پىكىر بىلدىرگەن»، - دەپ جازىلعان كوميتەتتىڭ رەسمي مالىمەتىندە.