- ۆيكتور ۆلاديميروۆيچ، ۆاكسيناتسيا قانشالىقتى ءتيىمدى؟ ول حالىقتىڭ جۇقتىرۋ پايىزىنا قالاي اسەر ەتەدى؟
- ۆاكسينانىڭ 2 قۇرامىن العان سوڭ 21 كۇنىنەن كەيىن جۇقتىرۋ جاعدايلارىنىڭ سانى بىرنەشە ەسە تومەندەدى. قالاداعى اۋراحانالاردىڭ جانساقتاۋ بولىمدەرىندە ونداي ادامدار جوق. ياعني، ەگەر ولار اۋىرسا، وندا اسيمپتوماتيكالىق تۇردە اسقىنۋسىز وتەدى.
- الەۋمەتتىك جەلىلەردە ۆاكسيناتسيانىڭ زيانى، جاناما اسەرلەرى، ونىڭ رەپرودۋكتيۆتى فۋنكسياعا، ورگاندارعا تەرىس اسەر ەتەتىنى تۋرالى جالعان اقپاراتتار بار. بۇل جونىندە نە دەيسىز؟
- قاۋەسەت كوپ، ادامدار جازا بەرەدى. ءبىراق فاكتىلەر جوق. بىزدە 14 مىڭ ادام ۆاكسينا الدى، ولاردىڭ اراسىندا اۋىر رەاكسياعا الىپ كەلگەن فاكت تىركەلگەن جوق.
- مۋتاتسيالانعان ۆيرۋس قانشالىقتى قاۋىپتى؟ مۋتاتسيا قالاي جۇرەدى؟ ونىمەن قالاي كۇرەسۋگە بولادى؟
- مۋتاتسيا قاۋىپتى، بۇل ۆاكسينانىڭ تيىمدىلىگىنە، ءولىم جاعدايىنا اكەلۋى مۇمكىن. مۋتاتسيا - بۇل ۆيرۋستىڭ كوبەيۋىندەگى گەندەردەگى قاتەلىك، اۋرۋ نەعۇرلىم كوپ بولسا، مۋتاتسيا ىقتيمالدىعى سوعۇرلىم جوعارى بولادى. كۇرەسۋدىڭ جالعىز جولى - ناۋقاستاردىڭ سانىن كۇرت ازايتۋ، ياعني ءبارىن تەز جانە مۇمكىندىگىنشە جىلدام ەكپە الۋ.
- مۋتاتسيالانعان ۆيرۋستىڭ جۇقپالىق دەڭگەيى نەلىكتەن جوعارى؟
- مۇنداي مۋتاتسيا، ۆيرۋستىڭ بارىنشا جىلدام تارالۋىنا اسەر ەتۋدە. دەلتا شتامى ينفەكسيانى ارتتىرا ءتۇستى.
- ديارەيا جانە قۇسۋ تۇرىندەگى اسقىنۋلار نەمەن بايلانىستى؟ باستاپقىدا ۆيرۋس تەك تىنىس الۋ ورگاندارىنا اسەر ەتتى ەمەس پە؟
- ۆيرۋس ءارقاشان بارلىق جۇيەلەرگە اسەر ەتتى، ەڭ الدىمەن وكپەگە. مىسالى، ءيىس سەزبەۋ جۇيكە جۇيەسىنە زاقىم كەلتىرىلگەنىن بىلدىرەدى. دەلتا شتامى ىشەك ەپيتەلييىنە كوبىرەك اسەر ەتەدى جانە وسىنداي بەلگىلەردى تۋدىرادى. ءبىراق وتكەن جىلى ءبىز اۋىر ك ۆ ي-دىڭ ءبىر بەلگىسى اسقازان- ىشەك جولدارىنىڭ بۇزىلۋى ەكەنىن بىلدىك.
- كوروناۆيرۋس تاعى قانداي ورگاندارعا اسەر ەتۋى مۇمكىن؟
- ۆيرۋستىڭ ماقساتتى جاسۋشالارى بارلىق ورگانداردا بولادى. سوزىلمالى اۋرۋلارى بار ادامدار ودان كوپ زارداپ شەگەدى. ياعني، ۆيرۋس ءالسىز جەرلەرگە سوققى بەرەدى. ءبىراق، ەڭ الدىمەن، ءارقاشان وكپەگە زاقىم كەلتىرەدى.
- حالىقتى ينفەكسيادان قالاي قورعاۋعا بولادى؟
- ۆيرۋستان قورعانۋدىڭ بىردەن ءبىر جولى ول - ۆاكسينالاۋ. جانە ونىمەن حالىقتى ماكسيمالدى تۇردە قامتۋ. ەندى دارىگەرلەرگە ريەۆاكسيناتسيا جاساۋ تۋرالى ويلانۋىمىز كەرەك. ايتپەسە ءبىز كەش قالىپ قويىپ، دارىگەرلەر اراسىندا ىندەتتىڭ تارالۋىمەن جول بەرۋىمىز مۇمكىن. ودان كەيىن جەكە گيگيەنانى ساقتانۋ تاسىلدەرى: ماسكا، انتيسەپتيك، الەۋمەتتىك قاشىقتىق.
- اڭگىمەڭىزگە راحمەت!
اۆتور: اگاتا مۋحامەدجانوۆا