ق ر د س م ينفەكسيالىق اۋرۋلاردى ەپيدەميولوگيالىق قاداعالاۋ باسقارماسىنىڭ باسشىسى روزا قوجاپوۆانىڭ ايتۋىنشا، ۆاكسينا العان ادامدار دا اۋىرىپ قالۋى مۇمكىن. الايدا، ۆاكسينا سالدىرعانداردا اۋرۋ جەڭىلدەۋ وتەدى.
«ءبىز جۇقتىرۋ جاعدايلارى سانىن باقىلاپ وتىرامىز: ۆاكسينانىڭ ءبىرىنشى دوزاسىن العاندار اراسىندا - 1325 جۇقتىرۋ جاعدايى، ەكى دوزا العاندار اراسىندا - 964 جاعداي تىركەلگەن. سونداي-اق، ءبىز ۆاكسينا سالدىرعاندار اراسىندا اۋرۋدىڭ قالاي وتەتىنىن قاداعالايمىز - اۋرۋحاناعا جاتقىزىلعاندار بار، ءبىراق ولاردىڭ كوپشىلىگىن ىلەسپە سەبەپتەردىڭ اۋىر بولعانى ءۇشىن اۋرۋحاناعا جاتقىزۋدا»، - دەدى سپيكەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە، ر. قوجاپوۆا ۆاكسينالاۋ پاسپورتىن ساتىپ الىپ، اۋىر جاعدايدا اۋرۋحاناعا تۇسكەن ناۋقاس تۋرالى ايتىپ بەردى.
«جانساقتاۋ بولىمىنە ءتۇسۋ بويىنشا دا جەكەلەگەن جاعدايلار بولدى. مىسالى ءبىر ادامنىڭ ەكپە سالدىرماي، زاڭنامانى بۇزىپ، ۆاكسينالاۋ پاسپورتىن العانى بەلگىلى بولدى، ونى ءوزى كوروناۆيرۋس جۇقتىرىپ، جاعدايى اۋىرلاعاندا مويىندادى. ۆاكسينا العان ناۋقاستاردا جۇقپانىڭ اۋىر ءوتۋى سيرەك، ءتىپتى تومەن كورسەتكىشتە دەۋگە بولادى»، - دەيدى ر. قوجاپوۆا.