قالالىق ءماسليحاتىنىڭ توتەنشە جاعدايلاردىڭ الدىن الۋ جانە ءورت قاۋىپسىزدىگى ماسەلەلەرى جونىندەگى تۇراقتى كوميسسياسىنىڭ وتىرىسىندا وسىنداي ماسەلە قارالدى.
ءماسليحات وكىلدەرى قالا ىرگەسىندەگى جەكە تۇرعىن ۇيلەردە گاز باللوندارى تالاپقا ساي پايدالانىلماي جاتقانىن ايتىپ، جانارماي جۇيەسى گازعا اۋىستىرىلعان كولىكتەردىڭ قاۋىپسىزىگىنە الاڭداۋشىلىق ءبىلدىردى.
توتەنشە جاعدايلار دەپارتامەنتى باستىعىنىڭ ورىنباسارى قۋانار بازاربايەۆتىڭ ايتۋىنشا، بۇل ەكى ماسەلە دە توتەنشە جاعداي، پوليتسيا جانە مەملەكەتتىك كىرىس ورگاندارىنىڭ وكىلدەرىنەن قۇرالعان كوميسسيانىڭ باقىلاۋىندا تۇر.
«قالا اكىمىنىڭ تاپسىرماسى بويىنشا جەكە تۇرعىن ۇيلەردەگى ءورت قاۋىپسىزدىگىن باقىلايتىن كوميسسيا قۇرىلعان. ونىڭ قۇرامىنا بىزدەن بولەك پوليتسيا دەپارتامەنتى، سالىق ورگاندارى كىرەدى. كوميسسيا اياسىندا سول قىزمەتتەرمەن بىرگە گاز باللونىن پايدالىپ وتىرعان 199 ءۇيدى ارالاپ شىقتىق. ونىڭ ىشىندە 10 جاعداي بويىنشا سوتتىڭ شەشىمى شىقتى. ءبىز ءوزىمىزدىڭ دەپارتامەنت تاراپىنان 1350 ءۇيدى ارالاپ شىقتىق. كوميسسيا بۇل ماسەلە بويىنشا جۇمىس ىستەپ جاتىر. ەندى سول جۇمىستى تاعى دا كۇشەيتە ءتۇسۋ كەرەك شىعار. ويتكەن اتالعان ۇيلەر شىنىمەن پروبلەما بولىپ تۇر»، - دەدى دەپارتامەنت وكىلى.
سونداي-اق، ول پاركينگتەردى ءورت قاۋىپسىزدىگىن ساقتامايتىن كولىكتەردەن تازارتۋ ىسىندە تۇرعىنداردىڭ بەلسەندىلىگى ماڭىزدى ەكەنىن اتادى.
«ءبىزدىڭ قىزمەت ىشكى ىستەر مينيسترلىگىنىڭ جۇيەسىندە بولعان كەزدە گاز باللونى ورناتىلعان كولىكتەردى پاركينگتەردە قاڭتارۋعا بولمايتىنى تۋرالى قاۋلى شىققان بولاتىن. ءبىزدىڭ ماماندار بارلىق كوپپاتەرلى ۇيلەردەگى ءۇي يەلەرىنىڭ چاتتارىنا قوسىلعان. ءورت قاۋپىنىڭ الدىن الۋ ءۇشىن پاريكنگكە گاز قوندىرعىسى ورناتىلعان كولىكتى قاڭتارۋعا تىيىم سالىنعانى تۋرالى اقپاراتتارىمىزدى سول چاتتارعا سالىپ وتىرامىز. ەگەر تۇرعنىداردان بىرەۋ جۇگىنىپ جاتسا، دەرەۋ ارەكەت ەتەمىز. ونداي دا بولعان. بىزگە تۇسكەن حابار بويىنشا وقيعا ورنىنا شىعىپ، ۋچاسكەلىك پوليتسيامەن بىرگە الگى كولىكتى پاريكنگتەن الىپ شىعارعان بولاتىنبىز»، - دەدى قۋانار بازاربايەۆ.