«بۇگىن قاراستىراتىن سۇراقتار ەلىمىزدىڭ سۋ ماسەلەلەرىنە قاتىستى بولماق. سۋ - تىرشىلىك كوزى، ەل ەكونوميكاسىنىڭ تۇراقتى دامۋىن قامتاماسىز ەتەتىن ماڭىزدى فاكتورلاردىڭ ءبىرى. سوندىقتان دا سۋ قاۋىپسىزدىگى ماسەلەلەرى ۇلكەن ماڭىزعا يە. الدىمەن وزەندەردىڭ اعىنى قالاي قالىپتاساتىنى تۋرالى قىسقاشا ايتىپ كەتەيىن. قازاقستاننىڭ قولدا بار سۋ رەسۋرستارى، جەر استى سۋلارى مەن وزەن اعىسىنىڭ قورلارىنان تۇرادى. وزەن رەسۋرستارىنىڭ ناقتى كورسەتكىشتەرى سوڭعى جىلدارى شامامەن 90-100 تەكشە ك م قۇرايدى. ونىڭ ىشىندە 50,8 تەكشە كم جەرگىلىكتى اعىن، ال 39,2 تەكشە ك م قىتايدان، ورتالىق ازيا ەلدەرىنەن جانە رەسەيدەن ترانسشەكارالىق وزەندەر ارقىلى كەلىپ تۇسەدى. سونىمەن قاتار رەسەي فەدەراتسياسىنا كەتەتىن اعىن جىلىنا ورتا ەسەپپەن 16,5 تەكشە شاقىرىمدى قۇرايدى»، - دەدى م. مىرزاعاليەۆ.
سونداي- اق، مينيستر جەراستى سۋ قورىمەن قاتار قاجەتتى سۋ كولەمى جايلى ايتىپ ءوتتى.
«سونىمەن قاتار 3,5 مىڭنان استام كەن ورىندارىندا 15,5 تەكشە شاقىرىم كولەمىندە جەراستى سۋلارىنىڭ راستالعان قورى بار. گەوگرافيالىق تۇرعىدان ولار بىركەلكى بولىنبەگەن باتىستاعى كەن ورىندارىنىڭ % 20- دان كەم بولسا، ورتالىق، سولتۇستىك جانە شىعىس ايماقتاردا % 30 جانە ەلدىڭ وڭتۇستىگىندە - شامامەن % 50- ى قۇرايدى. جالپى ەكولوگيالىق قاجەتتىلىكتەرگە شامامەن 50 تەكشە شاقىرىم سۋ قاجەت. پايدالانىلاتىن سۋدىڭ جالپى كولەمى شامامەن 25 تەكشە شاقىرىم قۇرايدى. ونىڭ ىشىندە اۋىل شارۋاشىلىعىنا - 15 تەكشە شاقىرىم (%65) ، ونەركاسىپكە - 6) تەكشە شاقىرىم (%30) جانە كوممۋنالدىق شارۋاشىلىققا - 1 تەكشە شاقىرىم (%5) تيەسىلى. سونداي- اق تاسىمالداۋ كەزىندەگى شىعىندار 3 تەكشە شاقىرىمدى قۇرايدى»، - دەيدى ول.
ايتا كەتەيىك، بۇگىن ق ر ەكولوگيا، گەولوگيا جانە تابيعي رەسۋرستار مينيسترلىگىندە ۇكىمەتتىك ەمەس ۇيىم وكىلدەرى جانە ەكولوگيا بەلسەندىلەردىڭ قاتىسۋىمەن ەلىمىزدەگى سۋ رەسۋرسى ماسەلەلەرىنە ارنالعان ونلاين كەزدەسۋ ءوتىپ جاتىر.
اۆتور: ءالي يبرايەۆ