تاعى ءبىر قانداسىمىز ەڭبەك سىڭىرگەن ۇستاز اتاعىمەن ماراپاتتالدى

نۇرسۇلتان. قازاقپارات - «موڭعول ەلىنە ەڭبەك سىڭىرگەن ۇستاز» قۇرمەتتى اتاعىمەن بايان-ولگەي ايماعىنىڭ جالپى ءبىلىم بەرەتىن №1-مەكتەپتىڭ اعا ۇستازى قاتيرا قالي قىزى ماراپاتتالدى.

بۇل تۋرالى KAZNEWS پورتالى جاريالادى.

بۇل ماراپاتتى عۇن يمپەرياسىنا 2230 جىل، ۇلى موڭعول مەملەكەتىنە 815 جىل، ۇلت ازاتتىق قوزعالىسىنا 110 جىل، موڭعول حالىق ريەۆوليۋتسياسىنىڭ توڭكەرىسىنە 100 جىل، دەموكراتيالىق قوزعالىسقا 32 جىل تولۋىنا وراي موڭعوليا پرەزيدەنتى ۋ. حۇرەلسۇحتىڭ جارلىعىمەن ءبىلىم، دەنساۋلىق، اۋىل شارۋاشىلىعى جانە مادەنيەت سالاسىندا ابىرويلى قىزمەت اتقارعان 5 ازاماتقا «موڭعول ەلىنە ەڭبەك سىڭىرگەن قايراتكەر» اتاعى بەرىلدى. سونىڭ ءبىرى - بايانولگەيلىك قانداسىمىز قاتيرا قالي قىزى.