رەسەيدەگى ەپيدەميولوگيا ورتالىق عىلىمي-زەرتتەۋ ينستيتۋتى ديرەكتورىنىڭ كلينيكالىق- اناليتيكالىق جۇمىس جونىندەگى ورىنباسارى ناتاليا پشەنيچنانىڭ ايتۋىنشا، ءبىر ۆيرۋستىڭ ءارتۇرلى شتاممەن قوسارلانىپ جۇرەتىن جاعدايلارى بۇرىننان بەلگىلى.
«ءبىر ۋاقىتتا ەكى SARS- CoV2 ۆيرۋسىن تۋدىراتىن ينفەكسيا يممۋندىق جۇيەسى السىرەگەن ادامداردا ءجيى كەزدەسەدى، كوبىنە ەگدە جاستاعى ادامداردا. ءبىر ۋاقىتتا ەكى شتامنان تۋىنداعان اۋرۋ جاعدايدى قيىنداتادى. كوبىنەسە ۇزاققا سوزىلادى، ويتكەنى يممۋندىق جۇيە ينفەكسيانى تۋدىرعان ءبىرىنشى شتامدى تەز جويا المايدى جانە ناۋقاسپەن بايلانىستا بولعان كەزدە دەنەگە قوسىمشا تاعى بىرەۋى ەنەدى»، - دەپ ءتۇسىندىردى پشەنيچنايا.
ونىڭ ايتۋىنشا، COVID-19-دىڭ بىرنەشە شتامىن جۇقتىرۋ ۆيرۋستىڭ ودان ءارى وزگەرۋىنە جانە ونىڭ جاڭا نۇسقالارىنىڭ پايدا بولۋىنا اكەلۋى مۇمكىن.
دارىگەر وسى سەبەپتى ۆيرۋس پوپۋلياسى دامىپ، وزگەرمەۋى ءۇشىن مۇمكىندىگىنشە تەز ەكپە الۋ كەرەگىن ەسكەرتتى.
ايتا كەتەيىك، بەلگيادا 90 جاستاعى ايەل ءبىر ۋاقىتتا كوروناۆيرۋستىڭ ەكى نۇسقاسىن جۇقتىرعانى حابارلانعان بولاتىن.